തിരുവനന്തപുരം : കെ എം മാണിക്ക് വേണ്ടി സ്മാരകം പണിയുന്നതിന് ബജറ്റില് തുക അനുവദിച്ചതില് തെറ്റില്ലെന്ന് സിപിഐ. മരണത്തോട് കൂടി അവരുടെ പാപം ഒക്കെ തീരുമെന്നും സ്മാരകം അനുവദിക്കാൻ പണം അനുവദിച്ചതിൽ തെറ്റില്ലെന്നുമാണ് സിപിഐ അസിസ്റ്റന്റ് സെക്രട്ടറി പ്രകാശ് ബാബു പറഞ്ഞത്.
സ്മാരകം പണിയാന് തുക അനുവദിക്കണമെന്ന് ആവശ്യപ്പെട്ട് മാണി ഫൗണ്ടേഷന് സര്ക്കാരിനെ സമീപിക്കുകയായിരുന്നു. ഇത് കണക്കിലെടുത്താണ് പണം അനുവദിച്ചത്. ഇതില് അനൗചിത്യവുമില്ല .
മരിച്ചു പോയ ഒരു നേതാവിന് വേണ്ടി അങ്ങനെയൊരു സ്മാരകം പണിയണമെന്ന് തോന്നിയതില് തെറ്റുമില്ല. ഇന്ത്യയിലെ രീതി വച്ച് മരണത്തോട് കൂടി അവരുടെ പാപം ഒക്കെ തീരുകയാണ്. അതിനകത്ത് വലിയ കാര്യം കാണേണ്ടതില്ല. പിന്നെ ഇക്കാര്യത്തിലൊക്കെ മുന്ഗണന തീരുമാനിക്കുന്നത് സര്ക്കാരിന്റെ വിവേചനാധികാരമാണ്.
ദീര്ഘകാലം മന്ത്രിയും ഒരേ മണ്ഡലത്തില് തന്നെ 50 കൊല്ലക്കാലം എംഎല്എയായും സേവനം അനുഷ്ഠിച്ച വ്യക്തി എന്ന നിലയില് അദ്ദേഹത്തിന്റെ പേരില് നിര്മ്മിക്കുന്ന സ്മാരകത്തിന് പണം ചോദിച്ചപ്പോള് കൊടുത്തു. സാമ്പത്തിക പ്രതിസന്ധി നിലനില്ക്കുമ്പോഴാണ് തുക അനുവദിച്ചത്. ആ സന്ദര്ഭത്തിലും പണം അനുവദിച്ചു എന്നത് ഒരു നല്ലവശമാണ്. ഇതിനെ ഒരു ആദരവായി കണ്ടാല് മതി. ‘-പ്രകാശ് ബാബു പറഞ്ഞു.