കൊച്ചി: അവിനാശിയില് കെഎസ്ആര്ടിസി ബസിലേക്ക് കണ്ടെയ്നര് ലോറി ഇടിച്ചുണ്ടായ അപകടത്തില് മരിച്ചവരുടെ മൃതദേഹങ്ങള് ഇന്ന് സംസ്ക്കരിക്കും. മുഴുവന് മൃതദേഹങ്ങളുടെയും പോസ്റ്റ് മോര്ട്ടം നടപടികള് ഇന്നലെ തന്നെ പൂര്ത്തിയായിരുന്നു.
അപകടത്തില് മരിച്ച കെഎസ്ആര്ടിസി ഡ്രൈവറും കണ്ടക്ടറുമായ വിആര് ബൈജുവിന്റെയും വി.ഡി ഗിരീഷിന്റെയും മൃതദേഹം ഇന്നലെ രാത്രിയോടെ എറണാകുളത്ത് എത്തിച്ചു.കെഎസ്ആര്ടിസി സൗത്ത് ബസ് സ്റ്റേഷനില് അല്പ സമയം പൊതു ദര്ശനത്തിന് വെച്ച ശേഷം മൃതദേഹങ്ങള് മോര്ച്ചറികളിലേക്ക് മാറ്റി.
കണ്ടക്ടര് വി ആര് ബൈജുവിന്റെ മൃതദേഹം രാവിലെ ഒമ്പത് മണിയോടെ പിറവം വെളിയനാട് പേപ്പതിയിലെ വീട്ടുവളപ്പില് സംസ്ക്കരിക്കും. ഡ്രൈവര് വി ഡി ഗിരീഷിന്റെ സംസ്ക്കാര ചടങ്ങുകള് 12 മണിയോടെ പെരുമ്പാവൂര് ഒക്കലിലെ എസ്എന്ഡിപി ശ്മാശനത്തിലാണ് നടക്കുക.