കൊല്ലം: കൊല്ലത്ത് ആറ്റില് കണ്ടെത്തിയ ആറ് വയസുകാരി ദേവനന്ദയുടെ മൃതദേഹത്തില് മുറിവുകളോ ചതവുകളോ ഇല്ലെന്ന് ഇന്ക്വസ്റ്റ് റിപ്പോര്ട്ട്. ബലപ്രയോഗത്തിന്റെ ലക്ഷണങ്ങളില്ലെന്നാണ് പ്രാഥമിക നിഗമനം.
കഴിഞ്ഞ ദിവസം കാണാതായ കുട്ടിയെ ഇന്ന് രാവിലെയാണ് വീടിന് സമീപത്തെ ഇത്തിക്കരയാറ്റില് കണ്ടെത്തിയത്. മരണത്തില് നാട്ടുകാരും ബന്ധുക്കളും സംശയമുന്നയിച്ചിരുന്നു. മുറിവുകളും മറ്റ് ബലപ്രയോഗത്തിന്റെ ലക്ഷണങ്ങളും പ്രാഥമിക പരിശോധനയില് പോലീസിന് കണ്ടെത്താനായിട്ടില്ല.
കുട്ടിയുടെ ഷാളും സമീപത്ത് നിന്ന് കിട്ടി. മൃതദേഹം പോസ്റ്റ്മോര്ട്ടത്തിനായി തിരുവനന്തപുരം മെഡിക്കല് കോളേജിലേക്ക് കൊണ്ടു പോയി. ശാസ്ത്രീയ പരിശോധനകളടക്കം നടത്തുമെന്ന് പോലീസ് അറിയിച്ചു.