കൊച്ചി: കൊച്ചിയില് മാര്ച്ച് 27 മുതല് ഓണ്ലൈന് വഴി അവശ്യ ഭക്ഷ്യ സാധനങ്ങള് വിതരണം ചെയ്യുന്നതിന് തുടക്കം കുറിക്കുമെന്ന് സിഎംഡി അലി അസ്ഗര് പാഷ അറിയിച്ചു. ഓണ്ലൈനില് കൂടി ഭക്ഷ്യവസ്തുക്കള് എത്തിക്കുന്നതിന് പ്രമുഖ ഓണ്ലൈന് ഭക്ഷ്യ ദാതാവായ സൊമോറ്റോയുമായിട്ടാണ് കരാര് ഒപ്പിട്ടത്.
തുടക്കമെന്ന നിലയില് സപ്ലൈക്കോയുടെ ആസ്ഥാനമായ ഗാന്ധി നഗറിനു എട്ട് കിലോ മീറ്റര് ചുറ്റളവിലാണ് ഭക്ഷണ സാധനങ്ങള് എത്തിക്കുന്നത്. സംസ്ഥാനത്ത് 17 ഇടങ്ങളില് ഇത്തരത്തില് ഓണ്ലൈന് സംവിധാനം വ്യാപിപ്പിക്കുമെന്ന് അലി അസ്ഗര് പാഷ മാദ്ധ്യമങ്ങളോട് പറഞ്ഞു.
ഇ പെയ്മെന്റ് വഴിയായിരിക്കും ഇടപാടുകള് നടത്തുന്നത്.ഓണ്ലൈന് വഴി ഓര്ഡര് ചെയ്യുന്ന ഭക്ഷ്യവസ്തുക്കള് 40,50 മിനുറ്റുകള്ക്കകം വീടുകളില് ലഭ്യമാക്കുന്ന വിധത്തിലുള്ള സംവിധാനമാണ് ഒരുക്കിയിരിക്കുന്നതെന്നും അദ്ദേഹം വ്യക്തമാക്കി.