ന്യൂഡല്ഹി: രാജ്യത്തെ കൊറോണ പ്രതിരോധപ്രവര്ത്തനങ്ങളില് ഏര്പ്പെട്ടിരിക്കുന്നവര്ക്ക് പരിശീലന പരിപാടികളുമായി കേന്ദ്രസര്ക്കാര്. എല്ലാ സംസ്ഥാനങ്ങളിലേയും കേന്ദ്രഭരണപ്രദേശങ്ങളിലേയും ആരോഗ്യപ്രവര്ത്തകരെ കൂടുതല് മികവുള്ളവരാക്കാനാണ് പരിശീലനം. നിലവില് കൊറോണ ചികിത്സ ചെയ്യുന്നവര്ക്കും പൊതുസമൂഹത്തില് പ്രവര്ത്തിക്കുന്ന ആരോഗ്യപ്രവര്ത്തകര്ക്കും https://igot.nic.in/ എന്ന സൈറ്റിലൂടെയാണ് ഓണ്ലൈന് പരിശീലനമാണ് നല്കുന്നതെന്ന് ആരോഗ്യമന്ത്രാലയം അറിയിച്ചു.
എല്ലാ ഡോക്ടര്മാരും ഏറെ ജാഗ്രതയോടും ധീരതയോടും കൂടിയാണ് ഈ പ്രവര്ത്തനം നടത്തിക്കൊണ്ടിരിക്കുന്നത്. എന്നാല് ഡോക്ടര്മാര്, നഴ്സുമാര്, പോലീസ് സേനാംഗങ്ങളും മറ്റ് സന്നദ്ധ സേവന വിഭാഗക്കാരും കൂടുതല് പരിശോധനകള് നേടേണ്ടതുണ്ടെന്നും ആരോഗ്യവകുപ്പ് അറിയിച്ചു. രാജ്യത്തെ പല പ്രദേശങ്ങളിലും രോഗം വ്യാപിക്കുന്നത് കണക്കിലെടുത്താണ് കൂടുതല് പരിശീലനം ആവശ്യമായി വന്നിരിക്കുന്നത്.
കോറോണ ബാധയും ചികിത്സയും പലമേഖലയിലുള്ളവര്ക്കും പല പ്രായത്തിലുള്ളവര്ക്കും വ്യത്യസ്തരീതിയിലാണ് പരീക്ഷിക്കുന്നത്. കൂടാതെ വിവിധ രോഗങ്ങളുള്ളവരോടുള്ള സമീപനവും ഏറെ വ്യത്യസ്തമാണ്. ഇതെല്ലാം പരിഗണിച്ചാണ് കൂടുതല് തയ്യാറെടുപ്പ് ആരോഗ്യപ്രവര്ത്തകര് നടത്തണമെന്ന് കേന്ദ്ര ആരോഗ്യമന്ത്രാലയം അറിയിച്ചു.