ന്യൂഡല്ഹി: ഏതു വ്യവസായിയും തങ്ങളുണ്ടാക്കുന്നതെന്തും ഉടന് വിറ്റുപോകണമേ എന്നാഗ്രഹിക്കുമ്പോള് അങ്ങിനെ സംഭവിക്കരുതേ എന്ന പ്രാര്ത്ഥനയാണ് വാഹനരംഗത്തെ ഭീമന്മാരായ മഹീന്ദ്രയുടെ ഉടമസ്ഥനുള്ളത്. തന്റെ ഉപകരണങ്ങള് ആര്ക്കും ആവശ്യം വരരുതേ എന്നാണ് ആനന്ദ് മഹീന്ദ്ര പ്രാര്ത്ഥിക്കുന്നത്. കൊറോണ പ്രതിരോധത്തിനായി കേന്ദ്ര സര്ക്കാറിന്റെ നിര്ദ്ദേശപ്രകാരം വെന്റിലേറ്ററുകള് ഉണ്ടാക്കിയതുമായി ബന്ധപ്പെട്ടാണ് വിചിത്രമായ പ്രാര്ത്ഥന ആനന്ദ് നടത്തിയത്.
Whether or not they are used, I want to express my appreciation to SkanRay, you, Velu and the joint team for your outstanding commitment and effort… You all made us proud. https://t.co/h41wR8Yi9r
— anand mahindra (@anandmahindra) May 14, 2020
ട്വിറ്ററിലൂടെ ആനന്ദ് മഹീന്ദ്ര നടത്തിയ പ്രാര്ത്ഥനയും വെന്റിലേറ്റര് നിര്മ്മിച്ച ടീമിനുള്ള അഭിനന്ദനവും ഏതായാലും വൈറലായിക്കഴിഞ്ഞു. കേന്ദ്ര സര്ക്കാര് അടിയന്തിരമായി എല്ലാ വാഹന നിര്മ്മാതാക്കളോടും കൊറോണ പ്രതിരോധ ഉപകരണങ്ങള് നിര്മ്മിക്കണമെന്ന് അഭ്യര്ത്ഥിച്ചപ്പോള് ഉടന് പ്രതികരിച്ചവരാണ് മഹീന്ദ്രാ ടീം.
സ്കാന് റേ എന്ന സ്ഥാപനവും മഹീന്ദ്രയും ചേര്ന്നാണ് ഇടത്തരം വെന്റിലേറ്ററുകള് യുദ്ധകാലാടിസ്ഥാനത്തില് നിര്മ്മിച്ചെടുത്തത്.