തിരുവനന്തപുരം: ശബരിമലയില് ഭക്തര്ക്ക് ദര്ശനം അനുവദിക്കില്ല. ദേവസ്വം മന്ത്രി വിളിച്ചു ചേര്ത്ത യോഗത്തിലാണ് തീരുമാനം. യോഗത്തില് തന്ത്രിയുടെ നിര്ദ്ദേശങ്ങള് സംസ്ഥാന സര്ക്കാര് അംഗീകരിച്ചു.
കൊറോണ വൈറസ് വ്യാപനത്തിന്റെ പശ്ചാത്തലത്തില് ഭക്തരെ പ്രവേശിപ്പിക്കരുതെന്നും ഉത്സവം മാറ്റിവെക്കണമെന്നും ആവശ്യപ്പെട്ട് തന്ത്രി ദേവസ്വം ബോര്ഡിന് നേരത്തെ കത്ത് നല്കിയിരുന്നു. ക്ഷേത്രത്തില് ഭക്തരെ പ്രവേശിപ്പിക്കുന്നത് സംബന്ധിച്ച് ദേവസ്വം കമ്മീഷണര്ക്കാണ് തന്ത്രി കണ്ഠരര് മഹേഷ് മോഹനര് കത്തു നല്കിയത്.
ഉത്സവം മാറ്റിവെയ്ക്കണമെന്നും തന്ത്രി ആവശ്യപ്പെട്ടു. ഉത്സവ ചടങ്ങുകൾ ആരംഭിച്ചാല് അതില് പങ്കെടുക്കുന്ന ആര്ക്കെങ്കിലും രോഗബാധ സ്ഥിരീകരിച്ചാല് ക്ഷേത്രവുമായി ബന്ധപ്പെട്ട എല്ലാവരും നിരീക്ഷണത്തില് പ്രവേശിക്കേണ്ടതായിവരും. എന്നതിനാല് തന്നെ ഉത്സവ ചടങ്ങുകള് ആചാര പ്രകാരം പൂര്ത്തിയാക്കാന് സാധിക്കില്ല. ഇതിന് പുറമേ രോഗവ്യാപനത്തിന്റെ സാധ്യതകൂടി കണക്കിലെടുക്കണമെന്നാണ് കത്തില് പറയുന്നത്.