തിരുവനന്തപുരം: സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇതേ തുടര്ന്ന് കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു.
ശക്തമായ മഴയ്ക്കും കാറ്റിനും സാധ്യതയുള്ളതിനാല് ഉരുള്പൊട്ടല്, മണ്ണിടിച്ചില് എന്നിവ ഉണ്ടാകാന് സാധ്യതയുള്ള സ്ഥലങ്ങളിലും നദീ തീരങ്ങളിലും താമസിക്കുന്നവര് ജാഗ്രത പാലിക്കണം. കടലാക്രമണത്തിന് സാധ്യതയുള്ളതിനാല് തീരദേശവാസികളും ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അറിയിച്ചു.
അതേസമയം, തൃശ്ശൂര് പെരിങ്ങല്ക്കുത്ത് ഡാമില് വെള്ളത്തിന്റെ അളവ് 417 മീറ്റര് എത്തിയതിന് തുടര്ന്ന് ബ്ലൂ അലേര്ട്ട് പ്രഖ്യാപിച്ചു. 418 മീറ്റര് എത്തിയാല് മാത്രമാണ് ഓറഞ്ച് അലേര്ട്ട് പ്രഖ്യാപിക്കുക. മുന്നറിയിപ്പ് നല്കിയ ശേഷം മാത്രമേ ചാലക്കുടി പുഴയിലേക്ക് വെള്ളം ഒഴുക്കി വിടുകയുള്ളൂ എന്ന് ജില്ലാ ഭരണകൂടം അറിയിച്ചു.