തിരുവനന്തപുരം: തിരുവനന്തപുരം വിമാനത്താവളത്തില് വന് സ്വര്ണവേട്ട. ഗള്ഫില് നിന്ന് കേരളത്തിലേക്ക് വന്തോതില് പാഴ്സലായി സ്വര്ണം എത്തി. ബാഗേജിനുള്ളില് സൂക്ഷിച്ചിരുന്ന 30 കിലോ സ്വര്ണമാണ് കസ്റ്റംസ് പിടികൂടിയത്.
യു എ ഇ കോണ്സുലേറ്റിലേക്ക് വന്ന ഡിപ്ലോമാറ്റിക് ബാഗേജിലാണ് സ്വര്ണം കണ്ടെത്തിയത്. രണ്ടര കിലോ ഭാരമുള്ള പാക്കറ്റുകളായാണ് സ്വര്ണം കടത്താന് ശ്രമിച്ചത്. പാഴ്സലുമായി ബന്ധപ്പെട്ട് കസ്റ്റംസ് അന്വേഷണം ആരംഭിച്ചു.
അതേസമയം, പാഴ്സലെത്തിയത് ദുബായില് നിന്നാണെന്ന് കണ്ടെത്തിയിട്ടുണ്ട്. കേരളത്തിലേക്ക് ആരാണ് പാഴ്സലയച്ചത് എന്ന് കണ്ടെത്താനുള്ള അന്വേഷണം പുരോഗമിക്കുകയാണ്.