കുവൈറ്റ് സിറ്റി – ഓഗസ്റ്റ് ഒന്നുമുതല് കുവൈറ്റിലേക്ക് വാണിജ്യ വിമാനസര്വ്വീസ് ആരംഭിക്കുന്ന പശ്ചാത്തലത്തില് നാട്ടിൽ നിന്ന് കുവൈത്തിലേക്ക് തിരിച്ചു വരുന്നവർക്കുള്ള കൊറോണ പരിശോധന കുവൈത്ത് ആരോഗ്യ മന്ത്രാലയത്തിന്റെ അംഗീകാരമുള്ള കേരളത്തിലെ ഗാംകയുടെ എല്ലാ സെന്ററുകളിലും ചെയ്യുമെന്നു ഗാംക പ്രതിനിധികൾ അറിയിച്ചു.
കേരളത്തിലെ ഗാംക അംഗീകൃത എല്ലാ എല്ലാ കേന്ദ്രങ്ങളിലും പരിശോധനക്കുള്ള സൗകര്യം ഒരുക്കിയിട്ടുണ്ട്. ഏകദേശം മൂവായിരത്തി അഞ്ഞൂറ് രൂപയാണ് പരിശോധന ചാർജ്ജ്. പരിശോധന റിപ്പോർട്ട് അറബിയിലേക്ക് തർജ്ജമ ചെയ്യണം. അതിനായി സമീപത്തെ അറബി തർജ്ജമ സൗകര്യമുള്ള ടൈപ്പിംഗ് സെൻററുകളെ സമീപിക്കാം
ഓഗസ്റ്റ് ഒന്നിന് കുവൈറ്റ് എയർപോർട്ട് കൊമേഴ്ഷ്യലായി തുറന്നതിനു ശേഷം തിരിച്ചു വരാൻ ആഗ്രഹിക്കുന്ന വിദേശികൾക്കായി പ്രത്യേക രെജിസ്ട്രേഷൻ ആരംഭിക്കുമെന്നാണ് ഇപ്പോൾ ലഭ്യമാകുന്ന വിവരം. എന്നാൽ രെജിസ്ട്രേഷൻ സംബന്ധിച്ച് കുവൈത്ത് സർക്കാരിന്റെ ഔദ്യോഗിക പ്രഖ്യാപനം വന്നിട്ടില്ല.