ശ്രീനഗര് : ജമ്മു കശ്മീരില് സുരക്ഷാ സേന ഉദ്യോഗസ്ഥരെ ലക്ഷ്യമിട്ട് ഭീകരര്. സൈനിക വാഹന വ്യൂഹങ്ങള്ക്ക് നേരെ ഭീകര് വെടിയുതിര്ത്തു. ജമ്മു കശ്മീരിലെ പുല്വാമയിലാണ് സംഭവം.
പുല്വാമയിലെ ദുര്ബ്ഗാം പായേനിലെ സൈനിക ക്യാമ്പിന് സമീപത്ത് നിര്ത്തിയിട്ടിരുന്ന സൈനിക വാഹനവ്യൂഹങ്ങള്ക്ക് നേരെയാണ് വെടിവെയ്പ്പ് ഉണ്ടായത്. വെടിയുതിര്ത്ത ശേഷം പ്രദേശത്തു നിന്നും ഭീകരര് കടന്നുകളയുകയായിരുന്നു. ഭീകരരുടെ ആക്രമണത്തില് ആളപായം റിപ്പോര്ട്ട് ചെയ്തിട്ടില്ല.
സംഭവത്തെ തുടര്ന്ന് പ്രദേശത്ത് സുരക്ഷ ശക്തമാക്കി. ആക്രമണം നടത്തിയ ഭീകരര്ക്കായി സുരക്ഷാ സേന തെരച്ചിലും ആരംഭിച്ചിട്ടുണ്ട്.
ജമ്മു കശ്മീരില് നിന്നും ഭീകരരെ ഇല്ലാതാക്കാനുള്ള നടപടികള് സുരക്ഷാ സേന കാര്യക്ഷമമാക്കിയിട്ടുണ്ട്. ഇത് തടയുന്നതിന്റെ ഭാഗമായാണ് സുരക്ഷാ സേന ഉദ്യോഗസ്ഥരെ ഭീകരര് ലക്ഷ്യമിടുന്നത്. കഴിഞ്ഞ ഒരു ആഴ്ചയ്ക്കിടെ രണ്ടാമത്തെ ആക്രമണമാണ് സുരക്ഷാ സേനയക്ക് നേരെ ഉണ്ടാകുന്നത്. ജൂലൈ 26 ന് ഷോപിയാനിലെ പട്രോളിംഗ് സംഘത്തിന് നേരെയും ഭീകരര് സമാനമായ രീതിയില് ആക്രമണം നടത്തിയിരുന്നു.