കോഴിക്കോട്: കരിപ്പൂര് വിമാനത്താവളത്തിലുണ്ടായ വിമാനാപകടത്തില് അടിയന്തര രക്ഷാ പ്രവര്ത്തനങ്ങള്ക്ക് നേതൃത്വം നല്കാന് തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീന് മുഖ്യമന്ത്രിയുടെ നിര്ദ്ദേശം. അടിയന്തരമായി സംഭവ സ്ഥലത്തെത്താന് മന്ത്രിക്ക് നിര്ദ്ദേശം നല്കിയതായി മുഖ്യമന്ത്രി അറിയിച്ചു.
ഐജി യുടെ നേതൃത്വത്തിലുള്ള പോലീസ് സന്നാഹവും മലപ്പുറം, കോഴിക്കോട് ജില്ലകളിലെ ഫയര് ആന്ഡ് റെസ്ക്യൂ ടീമും രക്ഷാപ്രവര്ത്തനങ്ങളില് പങ്കാളികളാവുന്നുണ്ട്. ദുരന്തനിവാരണത്തിന് സംസ്ഥാന സര്ക്കാരിന്റെ എല്ലാ സംവിധാനങ്ങളും ഉപയോഗിക്കണമെന്നും മുഖ്യമന്ത്രി നിര്ദ്ദേശിച്ചു.
Comments