പത്തനംതിട്ട : ശബരിമല ദർശനത്തിനു കൊറോണ നെഗറ്റീവ് സര്ട്ടിഫിക്കറ്റ് നിര്ബന്ധമാക്കുന്നു .നവംബര് 16 ന് ആരംഭിക്കുന്ന ശബരിമല തീര്ത്ഥാടനത്തിന്റെ മുന്നൊരുക്കങ്ങള്ക്കായി മന്ത്രി കടകംപള്ളി സുരേന്ദ്രന്റെ അദ്ധ്യക്ഷതയില് ഓണ്ലൈന് വഴി ചേര്ന്ന ഉന്നതതല യോഗത്തിലാണ് ഈ തീരുമാനം
കൊറോണയുടെ പശ്ചാത്തലത്തിൽ ഇത്തവണത്തെ ശബരിമല തീർത്ഥാടനം ഏറെ വെല്ലുവിളികൾ നിറഞ്ഞതാണ് . തീര്ത്ഥാടനം പൂര്ണ്ണമായ തോതില് നടത്തുന്നതിന് പരിമിതികളുണ്ടെന്ന് യോഗം വിലയിരുത്തി. പരിമിതികള്ക്കുള്ളില് നിന്നുകൊണ്ട് തന്നെ ഈ വര്ഷത്തെ തീര്ത്ഥാടനത്തിനാവശ്യമായ മുന്നൊരുക്കങ്ങളും വിവിധ തലങ്ങളിലുള്ള ഏകോപനവും തുടര് നടപടികളും സമയബന്ധിതമായി പൂര്ത്തീകരിക്കണമെന്ന് യോഗത്തില് നിര്ദ്ദേശിച്ചു.
പൊലീസിന്റെ വെര്ച്വല് ക്യൂ സംവിധാനത്തിലൂടെ തീര്ത്ഥാടകരുടെ പ്രവേശനം നിയന്ത്രിക്കും. കൊറോണ രോഗമില്ലെന്ന സര്ട്ടിഫിക്കറ്റുമായി വരുന്ന തീര്ത്ഥാടകരെ ഓണ്ലൈന് രജിസ്ട്രേഷനിലൂടെ വെര്ച്വല് ക്യൂ സംവിധാനത്തില് ഉള്പ്പെടുത്തി തിരക്കില്ലാതെ ദര്ശത്തിന് എത്തിക്കുന്ന തരത്തില് ക്രമീകരണം ഒരുക്കുന്നതിനാണ് യോഗം തീരുമാനിച്ചത്.
കര്ശനമായി കൊറോണ പ്രോട്ടോക്കോള് പാലിച്ച് ഈ വര്ഷം വളരെ കുറച്ച് തീര്ത്ഥാടകരെയേ ദര്ശനത്തിന് അനുവദിക്കാനാകുകയുള്ളൂ. കൊറോണ പശ്ചാത്തലത്തില് മുന് വര്ഷങ്ങളിലെ പോലെ സന്നദ്ധ സേവനത്തിനായി വിശുദ്ധി സേനാംഗങ്ങളെ തമിഴ് നാട്ടില് നിന്നും വിന്യസിക്കുന്നതിനുള്ള പരിമിതി അഖില ഭാരത അയ്യപ്പ സേവാ സംഘം സെക്രട്ടറി യോഗത്തില് അറിയിച്ചു
Comments