ന്യൂഡല്‍ഹി: ഇന്ത്യയുടെ 74-ാം സ്വാതന്ത്ര്യദിനത്തിലെ പ്രധാനമന്ത്രിയുടെ പ്രസംഗത്തെ പ്രശംസിച്ച് ഉപരാഷ്ട്രപതി വെങ്കയ്യ നായിഡു. ചെങ്കോട്ടയിലെ പ്രസംഗം ഊര്‍ജ്ജം വാരിവിതറുന്നതും രാജ്യത്തെ ജനങ്ങളുടെ ആത്മവിശ്വാസം ഉയര്‍ത്തുന്നതുമാണെന്ന് ഉപരാഷ്ട്രപതി പറഞ്ഞു.
പ്രധാനമന്ത്രിയുടെ ആത്മനിര്‍ഭര ഭാരതം എന്ന ആശയം ജനങ്ങളുടെ മനസ്സിനെ ആഴത്തില്‍ സ്പര്‍ശിച്ചുകഴിഞ്ഞു. ഇന്ത്യയുടെ സമ്പദ് വ്യവസ്ഥയ്‌ക്ക പുത്തന്‍ ഉണര്‍വ്വാണ് ഇതുണ്ടാക്കിക്കൊണ്ടിരിക്കുന്നത്. സമഗ്രവും ദീര്‍ഘവീക്ഷണത്തോടെയുമുള്ള പ്രസംഗം അത്യന്തം ആവേശദായകമായിരുന്നു. കൊറോണ മഹാമാരിക്കിടയിലും അതിനോട് പോരാടാന്‍ പ്രധാനമന്ത്രിയുടെ പ്രസംഗം ജനങ്ങള്‍ക്ക് ആത്മവിശ്വാസം പകരുകയാണ്.’ വെങ്കയ്യ നായിഡു പറഞ്ഞു.
സ്വാതന്ത്ര്യത്തിന്റെ 75 വര്‍ഷം പൂര്‍ത്തീകരിക്കാന്‍ പോകുന്ന നമ്മുടെ നാട്ടില്‍ നാലാമത്തെ ഏറ്റവും കൂടുതല്‍ കാലം പ്രധാനമന്ത്രി പദത്തിലിരിക്കുന്ന ഘട്ടം നരേന്ദ്രമോദിയുടേതാണെന്നതില്‍ അഭിമാനിക്കാമെന്നും വെങ്കയ്യ നായിഡു പറഞ്ഞു.
Comments