ഡെറാഡൂണ്‍: അതിര്‍ത്തി സംരക്ഷിക്കാനും സമാധാനാന്തരീക്ഷം കാത്തു സൂക്ഷിക്കാനും മാത്രമല്ല അവശ്യ ഘട്ടങ്ങളില്‍ പൗരന്മാര്‍ക്ക് കൈത്താങ്ങാകാനും എത്തുന്നവരാണ് രാജ്യത്തെ സുരക്ഷാ സേന. ആപത് ഘട്ടങ്ങളില്‍ തങ്ങളാവും വിധം ഇന്ത്യന്‍ സേന പൗരന്മാര്‍ക്ക് സഹായം എത്തിച്ച് നല്‍കിയിട്ടുണ്ട്. അത്തരത്തിലൊരു വീഡിയോയാണ് ഇപ്പോള്‍ സാമൂഹ്യ മാദ്ധ്യമങ്ങളില്‍ വൈറലാകുന്നത്. ഐടിബിപിയാണ് വീഡിയോ പങ്കുവെച്ചിരിക്കുന്നത്.
പരിക്കേറ്റ സ്ത്രീയെ സ്‌ട്രെച്ചറിൽ ചുമന്ന് 40 കിലോമീറ്ററോളം ദൂരം സഞ്ചരിച്ചിരിക്കുന്ന ഇന്തോ ടിബറ്റന്‍ ബോര്‍ഡര്‍ പൊലീസ് സേനാംഗങ്ങളാണ് വീഡിയോയില്‍ ഉള്ളത്. ഉത്തരാഖണ്ഡിലെ ഉള്‍ഗ്രാമമായ ലാപ്‌സിയില്‍ നിന്നാണ് പരിക്കേറ്റ സ്ത്രീയേയും കൊണ്ട് പിത്തോറഗഡിലെ മുന്‍സ്യാരിയിലേക്ക് ഐടിബിപി ഉദ്യോഗസ്ഥര്‍ നടന്നത്.
15 മണിക്കൂറാണ് ഇതിനായി വേണ്ടി വന്നത്. മണ്ണിടിച്ചില്‍ സാധ്യതയുള്ള മേഖലകളും വെള്ളം നിറഞ്ഞ് കവിഞ്ഞ തോടുകളും കടന്ന് പരിക്കേറ്റ സ്ത്രീയേയും ചുമന്നു കൊണ്ട് ഐ ടി ബി പി ഉദ്യോഗസ്ഥര്‍ പോകുന്ന ദൃശ്യങ്ങളാണ് വീഡിയോയില്‍ ഉള്ളത്.
സ്ത്രീയ്‌ക്ക് വൈദ്യ സഹായം ലഭ്യമാക്കിയതായും ആരോഗ്യ നില മെച്ചപ്പെട്ടതായും ഐടിബിപി വൃത്തങ്ങള്‍ അറിയിച്ചു. മോശമായ കാലാവസ്ഥയിലൂടെയും വെള്ളം നിറഞ്ഞ വഴിയിലൂടെയുമെല്ലാം സ്ത്രീയെ കൊണ്ടു പോകുന്ന സൈന്യത്തെ അഭിനന്ദിച്ച് നിരവധി പേരാണ് രംഗത്തെത്തിയിരിക്കുന്നത്.
सेवा परम धर्मः।
ITBP jawans of 14th Battalion carrying an injured woman on stretcher in Pithoragarh District on 22 August, 2020. Jawans carried her to nearest road head covering 40 Kilometres mountainous route on foot in 15 hours. She is being treated and stable now.#Himveers pic.twitter.com/1FYx5VS8QA— ITBP (@ITBP_official) August 23, 2020
Comments