ന്യൂയോര്ക്ക്: ലോകത്ത് കൊറോണ വൈറസ് ബാധിതരുടെ എണ്ണം 3.07 കോടിയിലേക്ക് അടുക്കുകയാണ്. ആകെ രോഗബാധിതരുടെ എണ്ണം 3,06,91,801 ആയി. ഇതില് 2,23,34,506 പേര് രോഗമുക്തി നേടി.
9,56,421 മരണങ്ങളാണ് ലോകത്ത് ആകെ റിപ്പോര്ട്ട് ചെയ്തത്. രോഗവ്യാപനം രൂക്ഷമായ അമേരിക്കയില് ആകെ രോഗികളുടെ എണ്ണം 70 ലക്ഷത്തിലേക്ക് അടുക്കുകയാണ്. 69,25,941 പേര്ക്കാണ് അമേരിക്കയില് ഇതുവരെ രോഗം സ്ഥിരീകരിച്ചത്. 2,03,171 മരണങ്ങളാണ് രാജ്യത്ത് ആകെ റിപ്പോര്ട്ട് ചെയ്തത്.
ഇന്ത്യയില് 52,14,678 പേര്ക്കാണ് ഇതുവരെ രോഗം ബാധിച്ചത്. 84,372 പേരാണ് രോഗം ബാധിച്ചു മരിച്ചത്. രോഗികളുടെ എണ്ണത്തില് മൂന്നാം സ്ഥാനത്തുള്ള ബ്രസീലില് ആകെ രോഗബാധിതരുടെ എണ്ണം 45 ലക്ഷത്തിലേക്ക് അടുക്കുകയാണ്. 44,97,434 പേര്ക്കാണ് രാജ്യത്ത് ഇതുവരെ കൊറോണ സ്ഥിരീകരിച്ചത്. 1,35,857 പേര്ക്കാണ് കൊറോണയെ തുടര്ന്ന് ബ്രസീലില് ഇതുവരെ ജീവന് നഷ്ടമായത്.
റഷ്യയിലും രോഗവ്യാപന തോത് വര്ദ്ധിക്കുന്നുണ്ട്. 10,91,186 പേര്ക്കാണ് ഇതുവരെ കൊറോണ സ്ഥിരീകരിച്ചത്. 19,195 മരണങ്ങളാണ് ആകെ രാജ്യത്ത് റിപ്പോര്ട്ട് ചെയ്തത്. പെറു 7,56,412, കൊളംബിയ 7,50,471, മെക്സിക്കോ 6,88,954, സ്പെയിന് 6,59,334, ദക്ഷിണാഫ്രിക്ക 6,57,627, അര്ജന്റീന 6,13,658, ചിലി 4,42,827 എന്നിങ്ങനെയാണ് മറ്റ് രാജ്യങ്ങളിലെ രോഗബാധിതരുടെ എണ്ണം.
Comments