തൃശൂർ ; ലൈഫ് മിഷന് ഭവന പദ്ധതിയിലെ അഴിമതി അന്വേഷിക്കാൻ സിബിഐ സംഘം വടക്കാഞ്ചേരി നഗരസഭാ ഓഫിസിലെത്തി. 3 അംഗ സംഘം ബിൽഡിങ് പെർമിറ്റ് ഫയലുകൾ കൊണ്ടു പോയി .
ഭൂമി വിട്ടുകൊടുത്തതല്ലാതെ പദ്ധതിയുമായി ബന്ധപ്പെട്ട ഒരു ഇടപാടിലും പങ്കില്ലെന്നും വിദേശ സഹായം നേരിട്ട് സ്വീകരിച്ചില്ലെന്നുമുള്ള സര്ക്കാര് വാദം നിലനില്ക്കില്ലെന്നാണ് സിബിഐയ്ക്ക് ലഭിച്ച നിയമോപദേശം.
യൂണിടാക്കും കോണ്സുലേറ്റും തമ്മിലാണ് പണമിടപാടിലെ കരാര് എങ്കിലും ഇതിലെ രണ്ടാമത്തെ കക്ഷി സര്ക്കാരാണ്. മാത്രമല്ല ലൈഫ് മിഷന് കരാര് സര്ക്കാര് പദ്ധതിയുടെ ഭാഗമാണെന്നും ചെയര്മാനും സിഇഒയും സര്ക്കാരിന്റ ഭാഗമാണെന്നും ഇതിനാല് സര്ക്കാരിന് ഉത്തരവാദിത്തമുണ്ടെന്നുമാണ് സിബിഐ നിലപാട്.
പദ്ധതിയുടെ മറവില് കേന്ദ്രാനുമതിയില്ലാതെ വിദേശസഹായം സ്വീകരിച്ചതിന് വിദേശ സംഭാവന നിയന്ത്രണ നിരോധന നിയമത്തിലെ 35–)0 വകുപ്പ് പ്രകാരവും ഗൂഢാലോചനക്കുറ്റവും ചുമത്തിയാണ് സിബിഐയുടെ അന്വേഷണം.
Comments