നാല്പത്തിയാറ് ടോയ്ലറ്റ് റോളുകൾ തലയിൽ ബാലൻസ് ചെയ്തു കൊണ്ട് ഒരു വ്യക്തി ലോക റെക്കോർഡ് സൃഷ്ടിക്കുന്ന വീഡിയോ ആണ് ഇപ്പോൾ ഇന്റർനെറ്റ് ലോകത്ത് വൈറൽ ആയി കൊണ്ടിരിക്കുന്നത് .
യു കെ വംശജനായ ഒരു വ്യക്തി നാല്പത്തിയാറ് ടോയ്ലറ്റ് റോളുകൾ തലയിൽ ബാലൻസ് ചെയ്തു കൊണ്ട് ഗിന്നസ് റെക്കോർഡിൽ ഇടം നേടിയിരിക്കുന്നു . വ്യക്തികൾ പല തരത്തിലുള്ള അഭ്യാസമുറകളും സാഹസങ്ങളും കാട്ടി കൊണ്ട് റെക്കോർഡുകൾ സൃഷ്ടിക്കുന്നത് ഇതിന് മുൻപ് പലതവണ നാം കണ്ടിട്ടുണ്ട് . എന്നാൽ ഇത്തരത്തിൽ ഒന്ന് ഇതാദ്യമായിട്ടാണ് കാണുന്നത് .
ഗിന്നസ് വേൾഡ് റെക്കോർഡ് ഓർഗനൈസേഷന്റെ നേതൃത്വത്തിൽ എല്ലാ ആഴ്ചകളിലും നടത്തി വരുന്ന മത്സരങ്ങളിൽ ആണ് യു കെ വംശജനായ ജയ് റാവ്ലിംഗ്സ് നാല്പത്തിയാറ് ടോയ്ലറ്റ് റോളുകൾ തലയിൽ പത്തു സെക്കൻഡ് നേരത്തേക്ക് ബാലൻസ് ചെയ്തു കൊണ്ട് റെക്കോർഡ് സൃഷ്ടിച്ചത് .
സെപ്റ്റംബർ മുപ്പതാം തീയതി അദ്ദേഹം സ്വന്തമായിട്ടാണ് തന്റെ ട്വിറ്റെർ അക്കൗണ്ടിലൂടെ ഗിന്നസ്സ് റെക്കോർഡിൽ ഇടം നേടുന്ന വീഡിയോ ജനങ്ങളുമായി പങ്കു വെച്ചത് . അദ്ദേഹത്തെ കുറിച്ചുള്ള ചെറിയ ഒരു മുഖവരയോട് കൂടിയാണ് വീഡിയോ ആരംഭിക്കുന്നത് . അദ്ദേഹം ഒരു ഗോപുരം പോലെ അടുക്കി വെച്ചിരിക്കുന്ന നാല്പത്തിയാറ് ടോയ്ലറ്റ് റോളുകളെ ചൂണ്ടി കാണിച്ചു കൊണ്ട് താൻ ഇത് തലയിൽ ബാലൻസ് ചെയ്യാൻ പോകുന്നു എന്ന് പറഞ്ഞു കൊണ്ടാണ് പ്രവർത്തിയിലേക്ക് കടന്നത് .
പിന്നീട് അദ്ദേഹം വളരെ ശ്രദ്ധയോട് കൂടി ടോയ്ലറ്റ് റോളുകൾ എടുത്ത് തലയിൽ പത്തു സെക്കന്റ് ബാലൻസ് ചെയ്യുന്നു . ഈ വീഡിയോ ഇൻറർനെറ്റിൽ തരംഗമാവുകയും ഇതുവരെ രണ്ടായിരത്തിലധികം ആളുകൾ വീഡിയോ കാണുകയും കമന്റ് ചെയ്യുകയും ചെയ്തിരിക്കുന്നു .
വീഡിയോ കാണാൻ ആയി താഴെ കാണുന്ന ലിങ്കിൽ ക്ലിക്ക് ചെയ്യുക
@GWR Soooo I may have kept practicing with the toilet rolls and it may have got a little out of hand… I managed 46 balanced at the same time!!! 😃 #GWRchallenge #GWR #JayRawlings (full video on my Facebook) pic.twitter.com/4st4J07nHb
— Jay Rawlings (@jay_rawlings) September 30, 2020
Comments