ഒമാനിൽ കൊറോണ വാക്സീൻ ലഭ്യമാക്കാൻ നടപടി സ്വീകരിച്ചതായി ആരോഗ്യ മന്ത്രി ഡോ. അഹമ്മദ് ബിൻ മുഹമ്മദ് അൽ സഈദി അറിയിച്ചു. 18 ലക്ഷം ഡോസ് വാക്സീൻ ലഭ്യമാക്കും.രാജ്യത്തുള്ള 60% പേർക്ക് ഇതിന്റെ പ്രയോജനം ലഭിക്കുമെന്നും അദ്ദേഹം വ്യക്തമാക്കി.രാജ്യത്ത് രോഗ വ്യാപനം രണ്ടാം ഘട്ടത്തിലേക്ക് പ്രവേശിച്ചിട്ടില്ല. കേസുകളിൽ 80% സമൂഹത്തിൽ നിന്നും 20% സ്ഥാപനങ്ങളിൽ നിന്നുമാണ്. രാത്രി യാത്രാ വിലക്കും ബീച്ചുകൾ അടച്ചതും രോഗികൾ കുറയാൻ കാരണമായി.അതേസമയം ഒമാനിൽ സ്കൂളുകൾ അടുത്ത മാസം ഒന്നിനു പ്രവർത്തനം ആരംഭിക്കുന്നതിനു മുന്നോടിയായി അധ്യയന സമയം ക്രമീകരിച്ചു. 1 മുതൽ 4 വരെ ക്ലാസുകളിലെ വിദ്യാർഥികൾക്ക് രാവിലെ 11 മുതൽ ഉച്ചയ്ക്ക് 2 വരെയാണ് സമയം. 5 മുതൽ 11 വരെ ക്ലാസുകൾക്ക് രാവിലെ 8.00-11.00 വരെയും ,പന്ത്രാണ്ടാം ക്ലാസ് വിദ്യാർഥികൾക്ക് 8.00-2.00 വരെയുമായിരിക്കും ക്ലാസ് . 82% സ്കൂളുകളിലും ഇ-ലേണിങ് സംവിധാനമാണ്. രക്ഷിതാക്കൾ അതത് സ്കൂളുകളുമായി ബന്ധപ്പെടണം
Comments