തിരുവനന്തപുരം: സംസ്ഥാനത്ത് ഇന്ന് 5420 പേര്ക്ക് കൊറോണ സ്ഥിരീകരിച്ചു. ഇതില് 4693 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇന്ന് 24 മരണവും സ്ഥിരീകരിച്ചു.
പുതിയ രോഗബാധിതരിൽ 592 പേരുടെ രോഗ ഉറവിടം വ്യക്തമല്ല. 52 ആരോഗ്യപ്രവര്ത്തകര്ക്കും രോഗം ബാധിച്ചിട്ടുണ്ട്. 5149 പേര് രോഗമുക്തി നേടി. 24 മണിക്കൂറിനിടെ 59982 സാമ്പിളുകളാണ് പരിശോധിച്ചത്.
മലപ്പുറം 852, എറണാകുളം 570, തൃശൂര് 556, കോഴിക്കോട് 541, കൊല്ലം 462, കോട്ടയം 461, പാലക്കാട് 453, ആലപ്പുഴ 390, തിരുവനന്തപുരം 350, കണ്ണൂര് 264, പത്തനംതിട്ട 197, ഇടുക്കി 122, വയനാട് 103, കാസര്ഗോഡ് 99 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
സംസ്ഥാനത്തെ വിവിധ ജില്ലകളിലായി 3,14,752 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,98,902 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 15,850 പേര് ആശുപത്രികളിലും നിരീക്ഷണത്തിലാണ്. 1489 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Comments