തിരുവനന്തപുരം : നടപടി ക്രമങ്ങള് പൂര്ത്തിയാക്കി സംസ്ഥാനത്തെ കൊറോണ വാക്സിന് കുത്തിവയ്പ്പിനുള്ള ഡ്രൈ റൺ ഇന്ന് നടക്കും. നാല് ജില്ലകളിലെ ആറ് കേന്ദ്രങ്ങളിലാണ് മോക് ഡ്രില് നടത്തുക. രാവിലെ 9 മുതല് 11 മണി വരെയാണ് ഡ്രൈ റണ് ക്രമീകരിച്ചിരിക്കുന്നത്.
തിരുവനന്തപുരം ജില്ലയിലെ പൂഴനാട് പ്രാഥമികാരോഗ്യ കേന്ദ്രം, പേരൂര്ക്കട ജില്ലാ മാതൃക ആശുപത്രി, കിംസ് ആശുപത്രി, ഇടുക്കി ജില്ലയിലെ വാഴത്തോപ്പ് പ്രാഥമികാരോഗ്യ കേന്ദ്രം, പാലക്കാട് ജില്ലയിലെ നെന്മാറ സാമൂഹ്യാരോഗ്യ കേന്ദ്രം, വയനാട് ജില്ലയിലെ കുറുക്കാമൂല പ്രാഥമികാരോഗ്യ കേന്ദ്രം എന്നിവിടങ്ങളിലാണ് ഡ്രൈ റണ് നടക്കുന്നത്.
ഡ്രൈ റണ് നടക്കുന്ന ഓരോ കേന്ദ്രങ്ങളിലും 25 ആരോഗ്യ പ്രവര്ത്തകര് വീതമാണ് ഡ്രൈ റണ്ണില് പങ്കെടുക്കുക. നേരത്തെ രജിസ്റ്റര് ചെയ്തിട്ടുണ്ടോയെന്ന് ഉള്പ്പെടെയുള്ള കൊറോണ വാക്സിനേഷന് നല്കുന്ന നടപടിക്രമങ്ങള് എല്ലാം അതുപോലെ പാലിച്ചാണ് ഡ്രൈ റണ് നടത്തുന്നത്. വാക്സിന് കാരിയര് ഉള്പ്പെടെയുള്ള എല്ലാ സജ്ജീകരണവും ഒരുക്കിയിട്ടുണ്ട്.
കൊറോണ വാക്സിനേഷനായി ഇതുവരെ 3.13 ലക്ഷം പേരാണ് രജിസ്റ്റര് ചെയ്തത്. 20 ലാര്ജ് ഐഎല്ആര്, 1800 വാസ്കിന് കാരിയര്, 50 വലിയ കോള്ഡ് ബോക്സ്, 50 ചെറിയ കോള്ഡ് ബോക്സ് ചെറുത്, 12,000 ഐസ് പായ്ക്ക് എന്നിവ സംസ്ഥാനത്ത് എത്തിച്ചു. ആദ്യ ഘട്ടത്തില് സര്ക്കാര്, സ്വകാര്യ മേഖലയിലുള്ള എല്ലാ വിഭാഗം ആരോഗ്യ പ്രവര്ത്തകര്, മെഡിക്കല് വിദ്യാര്ത്ഥികള്, ആശ വര്ക്കര്മാര്, ഐ.സി.ഡി.എസ്. അങ്കണവാടി ജീവനക്കാര് എന്നിവര്ക്കാണ് വാക്സിന് നല്കുന്നത്.
Comments