തിരുവനന്തപുരം : പതിനഞ്ചു വർഷം കഴിയുമ്പോൾ കേരളത്തിൽ ബിജെപി അധികാരത്തിന്റെ പടിവാതിൽക്കൽ എത്തുമെന്ന് ലീഗ് എം.എൽ.എ കെ എൻ എ ഖാദർ . ഗവർണറുടെ നയപ്രഖ്യാപനത്തിനുള്ള നന്ദിപ്രമേയ ചർച്ചയിൽ സംസാരിക്കവേയാണ് സംസ്ഥാനത്ത് ബി ജെ പിയുടെ വളർച്ചയെ കുറിച്ചും അതിന് ഏതു വിധേനയും തടയിടാനുള്ള മാർഗത്തെക്കുറിച്ചും ഖാദർ പ്രസംഗിച്ചത്.
രാജ്യത്ത് ബി ജെ പി അധികാരത്തിൽ വരുമെന്ന് 28 വർഷം മുൻപ് താൻ പറഞ്ഞിരുന്നു. എന്നാൽ അന്ന് ആരുമത് വിശ്വസിച്ചില്ല . ഇനിയൊരു പതിനഞ്ച് വർഷം കൂടി കഴിയുമ്പോൾ കേരളത്തിൽ ബി ജെ പി അധികാരത്തിന്റെ പടിവാതിൽക്കലെത്തും. ബി ജെ പിയുടെ ആ വളർച്ച തടയണമെങ്കിൽ ഇടതുപക്ഷം കേരളത്തെ കോൺഗ്രസ് മുക്തമാക്കാൻ ശ്രമിക്കുന്നതിനുപകരമായി ബി ജെ പിയെ മുഖ്യ ശത്രുവായി കാണണം .
പത്ത് കൊല്ലം കൂടി കഴിയുമ്പോൾ പശ്ചിമബംഗാളിനെ പോലെയാവും കേരളത്തിലെ രാഷ്ട്രീയ അവസ്ഥ. ഇന്നത്തെ ഇന്ത്യയുടെ അവസ്ഥയിലാകും കേരളം . അപ്പോൾ കോൺഗ്രസും കമ്യൂണിസ്റ്റും പരസ്പരം പിന്തുണയ്‌ക്കേണ്ടിവരുമെന്നും കെ എൻ എ ഖാദർ പറഞ്ഞു.
Comments