റെയിൽവേ ട്രാക്കിൽ കുടുങ്ങിയ കുട്ടിയാനയെ രക്ഷിക്കുന്നതിനിടെ അമ്മയാനയ്‌ക്ക് ദാരുണാന്ത്യം

കൊൽക്കത്ത: ട്രെയിനിന് മുന്നിൽ കുടുങ്ങിയ കുട്ടിയാനയെ രക്ഷിക്കുന്നതിനിടെ അമ്മയാനയ്‌ക്ക് ദാരുണാന്ത്യം. പശ്ചിമബംഗാളിലാണ് സംഭവം. റെയിൽവേ ട്രാക്കിൽ കുടുങ്ങിപ്പോയ കുഞ്ഞിനെ രക്ഷിക്കാൻ അമ്മ തിരികെയെത്തിയപ്പോഴാണ് സംഭവം നടന്നത്.

ഗംഗയെന്ന് നാട്ടുകാർ വിളിക്കുന്ന ആനയും കുഞ്ഞുമാണ് ആനക്കൂട്ടത്തിനൊപ്പം കൃഷിയിടത്തിലേക്കെത്തിയത്. നാട്ടുകാർ ആനക്കൂട്ടത്തെ ഓടിക്കുന്നതിനിടെയാണ് ആനക്കുട്ടി ട്രാക്കിൽ കുടുങ്ങിപ്പോയത്. ഇത് ശ്രദ്ധയിൽപ്പെട്ട അമ്മയാന തിരികെ വന്ന് കുട്ടിയാനയെ രക്ഷിക്കുന്നതിനിടെ ട്രെയിനിന് മുൻപിൽ അകപ്പെടുകയായിരുന്നു.

കുഞ്ഞിനെ ട്രാക്കിൽ നിന്ന് മാറ്റിയയുടൻ ട്രെയിൻ അമ്മയാനയെ ഇടിച്ച് തെറിപ്പിക്കുകയായിരുന്നു. കൺസർവേഷൻ ബയോളജിസ്റ്റായ നേഹ സിൻഹയാണ് ഗംഗയുടേയും കുഞ്ഞിന്റേയും ചിത്രങ്ങൾ സമൂഹമാദ്ധ്യമങ്ങൾ വഴി പങ്കുവച്ചത്.

This is Ganga elephant, photographed by Avijan Saha in North Bengal. Chased from fields, her herd encountered a railway line. They crossed on time, except her little calf. She died protecting him from the incoming train. We say we will die for our families. Elephants actually do. https://t.co/Op7YFyPqHv pic.twitter.com/izEFOvsi6z

— Neha Sinha (@nehaa_sinha) March 11, 2021