തലശേരി ; എന്തെല്ലാം പ്രകോപനമുണ്ടായാലും കൊലപാതകത്തിലേക്ക് ഒരു സംഭവവും എത്താന് പാടില്ലെന്ന് സിപിഐ എം പൊളിറ്റ്ബ്യൂറോ അംഗം കോടിയേരി ബാലകൃഷ്ണന്. കൊലപാതകം ആര് നടത്തിയാലും അംഗീകരിക്കില്ല. ഒരു കാരണവശാലും വീടുകളിലും പാർട്ടി ഓഫീസുകളിലും കയറിയുള്ള അക്രമമുണ്ടാവരുത്.
ഇത്തരത്തിലുള്ള സംഭവങ്ങള് ആവര്ത്തിക്കാതിരിക്കാനുള്ള ജാഗ്രതയുണ്ടാവണം. സമാധാനം പുന:സ്ഥാപിക്കാന് പാർട്ടി പ്രവര്ത്തകര് മുന്കൈയെടുക്കണം. ഒരു തരത്തിലുള്ള പ്രകോപനത്തിലും ആരും പെട്ടുപോവരുതെന്നും കോടിയേരി തലശ്ശേരിയില് മാദ്ധ്യമ പ്രവര്ത്തകരോട് പറഞ്ഞു.
എല്ഡിഎഫ് സര്ക്കാര് അധികാരത്തില് വന്നശേഷം രാഷ്ട്രീയ കൊലപാതകങ്ങള് കുറഞ്ഞു. തെരഞ്ഞെടുപ്പ് ദിവസവും പോളിങ്ങ് സമാധാനപരമായിരുന്നു. അതിനു ശേഷമാണ് ചില അനിഷ്ട സംഭവങ്ങള് റിപ്പോര്ട്ട് ചെയ്തത്. അത്തരം സംഭവങ്ങള് ഉണ്ടാകാന് പാടില്ലായിരുന്നു
രാഷ്ട്രീയസംഘര്ഷമോ കൊലപാതകമോ എവിടെയും ഉണ്ടാവാന് പാടില്ലെന്ന് പാര്ട്ടി സംസ്ഥാന സമ്മേളനം തന്നെ വ്യക്തമാക്കിയതാണ്. ഈ നിലപാട് മറ്റു രാഷ്ട്രീയപാര്ട്ടികളില് നിന്നുണ്ടാവണമെന്നും അഭ്യര്ത്ഥിച്ചിരുന്നുവെന്നും കോടിയേരി പറഞ്ഞു.
Comments