ന്യൂ ഡെൽഹി: ക്രൂയിസ് മയക്കുമരുന്ന് കേസിൽ ആര്യൻ ഖാന്റെ അഭിഭാഷകൻ മുഗുൾ റോത്തഗിയുടെ വാദം കോടതിയിൽ പൂർത്തിയായി. ഞാൻ ഒന്നാം പ്രതിയായ ആര്യൻ ഖാന്റെ അഭിഭാഷകനാണെന്ന് പറഞ്ഞാണ് മുകുൾ റോത്തഗി വാദം ആരംഭിച്ചത്. കാലിഫോർണിയയിൽ നിന്ന് ബിരുദം പൂർത്തിയാക്കി 2020 മാർച്ചിൽ ആണ് ആര്യൻഖാൻഇന്ത്യയിലേക്ക് മടങ്ങിയതെന്ന് സൂചിപ്പിച്ചാണ് മുഗുൾ ജാമ്യാപേക്ഷയിൽ ആര്യന്റെ ഭാഗം വാദിക്കാൻ തുടങ്ങിയത്. ഉപഭോക്താവായിട്ടല്ല, വിഐപി അതിഥിയായാണ് ആര്യൻ ഖാൻ ക്രൂയിസ് പാർട്ടിക്ക് പോയത്. ഇവന്റ് മാനേജറായ പ്രതീക് ഗബയാണ് ആര്യൻ ഖാനെ ക്ഷണിച്ചത്. എന്ന ആളാണ് വിളിച്ചത്.
എൻസിബി ടീം നേരത്തെ തന്നെ അവിടെ ഉണ്ടായിരുന്നുവെന്നും മുകുൾ റോത്തഗി ഹൈക്കോടതിയിൽ പറഞ്ഞു. പാർട്ടിയെ സംബന്ധിച്ച് അവർക്ക് ചില വിവരങ്ങൾ ലഭിച്ചിരുന്നു. ക്രൂയിസിൽ കയറുന്നതിന് മുമ്പ് തന്നെ ആര്യൻ ഖാനെ അവർ കസ്റ്റഡിയിൽ എടുത്തു. ആര്യൻ ഖാനിൽ നിന്ന് മയക്കുമരുന്ന് കണ്ടെടുത്തിട്ടില്ല. ആര്യൻ ഖാൻ മയക്കുമരുന്ന് ഉപയോഗിച്ചിട്ടുമില്ല. ഒക്‌ടോബർ മൂന്നിനാണ് ആര്യൻഖാനെ അറസ്റ്റ് ചെയ്തത്. അതേ ദിവസം തന്നെ മൊഴി രേഖപ്പെടുത്തുകയും ചെയ്തു. അതിനുശേഷം, ആര്യൻ ഖാന്റെ മെഡിക്കൽ പരിശോധനകളൊന്നും നടത്തിയിട്ടില്ല. അതിനാൽ തന്നെ മയക്കുമരുന്ന് ഉപയോഗിച്ചോ ഇല്ലയോ എന്ന് അന്വേഷണ സംഘത്തിന് തെളിയിക്കാനാവില്ലെന്നും മുഗുൾ റോത്തഗി കോടതിയിൽ വാദിച്ചു.
അർബാസിനെയും പരിപാടിക്ക് ക്ഷണിച്ചത് ഇവൻറ് മാനേജ് മെൻറ് ടീമാണ്. അർബാസിൽ നിന്ന് മയക്കുമരുന്ന് കണ്ടെടുത്തത് ആര്യൻഖാൻ അറിഞ്ഞിരുന്നില്ല. ആര്യൻ ഖാന് മയക്കുമരുന്നിനെക്കുറിച്ച് അറിവുണ്ടായിരുന്നില്ല. ആര്യന്റെ മൊബൈൽ ഫോണിൽ നിന്ന് ലഭിച്ച വാട്‌സ്ആപ്പ് ചാറ്റിന് ക്രൂയിസ് പാർട്ടിയുമായി യാതൊരു ബന്ധമില്ലെന്നും റോത്തഗി വ്യക്തമാക്കി. അതേ സമയം എൻസിബി ഉദ്യോഗസ്ഥരെ കുറ്റപ്പെടുത്തുന്നില്ലെന്നും മുകുൾ റോത്തഗി കോടതിയെ അറിയിച്ചു. ഏതെങ്കിലും രാഷ്‌ട്രീ പാർട്ടികളുടെ വാദം ഏറ്റെടുത്ത് തന്റെ കക്ഷിയുടെ ജാമ്യാപേക്ഷയെ ദുർബലപ്പെടുത്താൻ ആഗ്രഹിക്കുന്നില്ലെന്നാണ് മുഗുൾ റോത്തഗി കോടതിയെ അറിയിച്ചത്.
മുഗുൾ റോത്തഗിയുടെ വാദം പൂർത്തിയായെങ്കിലും ജാമ്യാപേക്ഷയിൽ നാളെ കോടതിയിൽ അന്തിമ വാദം നടക്കും. ഇതിനു ശേഷമായിരിക്കും കോടതി വിധി പറയുക.
Comments