ന്യൂഡൽഹി: മുൻ കേന്ദ്രമന്ത്രിയും ബി.ജെ.പി നേതാവുമായ എൽ.കെ. അദ്വാനിക്ക് 94-ാം പിറന്നാൾ. പ്രധാനമന്ത്രിയും കേന്ദ്രമന്ത്രിമാരും ബി.ജെ.പി നേതാക്കളും ആശംസകൾ നേർന്നു. രാജ്യത്തിന്റെ വിവിധ മേഖലകളിലെ മുന്നേറ്റത്തിന് ചുക്കാൻ പിടിച്ച ദേശീയ നേതാവിനെ ഇന്ത്യയിലെ മുഴുവൻ ജനങ്ങൾക്കും വേണ്ടി പ്രണമിക്കുന്നതായി നേതാക്കൾ ആശംസാ സന്ദേശത്തിൽ പറഞ്ഞു.
Birthday greetings to respected Advani Ji. Praying for his long and healthy life. The nation remains indebted to him for his numerous efforts towards empowering people and enhancing our cultural pride. He is also widely respected for his scholarly pursuits and rich intellect.
— Narendra Modi (@narendramodi) November 8, 2021
‘ബഹുമാനിതനായ അദ്വാനിജിക്ക് പിറന്നാൾ ആശംസകൾ. അദ്ദേഹം ദീർഘകാലം ആയുരാ രോഗ്യത്തോടെ ഇരിക്കാൻ പ്രാർത്ഥിക്കുന്നു. രാജ്യത്തെ ജനങ്ങളുടെ ശാക്തീകരണത്തിനും വിവിധ മേഖലകളിലെ സാംസ്കാരിക സാമൂഹിക വികസനത്തിനും ജനങ്ങൾ അദ്ദേഹ ത്തോട് കടപ്പെട്ടിരിക്കുന്നു. തന്റെ ബുദ്ധിസാമർത്ഥ്യവും ഭരണനൈപുണ്യവും കൊണ്ട് അദ്ദേഹം ലോകമെമ്പാടും അറിയപ്പെടുകയും ബഹുമാനിക്കപ്പെടുകയും ചെയ്തിരിക്കുന്നു.’ പ്രധാനമന്ത്രി ട്വീറ്റ് ചെയ്തു.
हम सबके प्रेरणास्रोत एवं मार्गदर्शक, श्रद्धेय लालकृष्ण आडवाणी जी को उनके जन्मदिवस की हार्दिक शुभकामनाएँ। वे भारत के उन सबसे सम्मानित नेताओं में गिने जाते हैं, जिनकी विद्वता, दूरदर्शिता, बौद्धिक क्षमता और राजनय का लोहा सभी मानते हैं। ईश्वर उन्हें स्वस्थ रखे एवं दीर्घायु करे।
— Rajnath Singh (@rajnathsingh) November 8, 2021
തങ്ങളെപ്പോലുള്ള നിരവധി രാഷ്ട്രീയ പ്രവർത്തകർക്ക് അദ്വാനി ഏറെ പ്രേരണയും വഴികാട്ടിയുമായിരുന്നു. അദ്ദേഹത്തിന്റെ നിശ്ചയദാർഢ്യവും ദീർഘവീക്ഷണവും രാജ്യത്തിന്റെ ഭരണക്രമത്തിൽ പോലും ഗുണപരമായ മാറ്റം വരുത്തിയെന്ന് കേന്ദ്രമന്ത്രി രാജ്നാഥ് സിംഗും ആശംസിച്ചു.
സംഘാടകൻ എന്ന നിലയിൽ ബി.ജെ.പിയെ എല്ലാ പ്രതിസന്ധിഘട്ടങ്ങളിലും താങ്ങി നിർത്തുകയും അതിവേഗം രാജ്യമൊട്ടുക്ക് വളർത്തുകയും ചെയ്ത നേതാവാണ് എൽ.കെ. അദ്വാനിയെന്നും ബി.ജെ.പി ദേശീയ അദ്ധ്യക്ഷൻ ജെ.പി. നദ്ദ പിറന്നാൾ ആശംസകൾ നേർന്നുകൊണ്ട് പറഞ്ഞു.
ബി.ജെ.പിയെ കരുത്തുറ്റ ദേശീയ പാർട്ടിയാക്കിമാറ്റുന്നതിൽ സുപ്രധാന പങ്കാണ് എൽ.കെ. അദ്വാനി വഹിച്ചത്. രാമജന്മഭൂമി പ്രക്ഷോഭവുമായി ബന്ധപ്പെട്ട് രഥയാത്രയിലൂടെ അദ്വാനി നടത്തിയ അതിശക്തമായ പ്രചാരണമായിരുന്നു. ഹൈന്ദവ ഏകീകരണത്തിലൂടെ ദേശീയ വികാരം ഉണർത്തിയ അദ്വാനി അടൽ ബിഹാരി വാജ്പേയി മന്ത്രിസഭയിലെ ശക്തനായ ഭരണാധികാരിയായും തിളങ്ങി. സ്വാതന്ത്ര്യത്തിന് മുന്നേയുള്ള വിഭജിക്കാത്ത ഇന്ത്യയുടെ ഭാഗമായിരുന്ന കറാച്ചിലായിരുന്നു ജനനം. രാഷ്ട്രീയ സ്വയംസേവക സംഘത്തിലൂടെയാണ് അദ്വാനി പൊതുപ്രവർത്തനത്തിലേക്ക് എത്തുന്നത്. പിൽക്കാലത്ത് ജനസംഘ രൂപീകരണ ത്തിലൂടെ രാഷ്ട്രീയ രംഗത്തേയ്ക്ക് എത്തുകയായിരുന്നു.
Comments