തിരുവനന്തപുരം : മലയാളി താരം സഞ്ജു സാംസണെ ഇന്ത്യന് ടീമില് ഉള്പ്പെടുത്താത്തത് എന്തുകൊണ്ടാണെന്ന് വിദ്യാഭ്യാസ മന്ത്രി വി. ശിവന്കുട്ടി. സയ്യിദ് മുഷ്താഖ് അലി ടൂര്ണമെന്റില് കേരളത്തിന്റെയും സഞ്ജുവിന്റെയും പ്രകടനം ചൂണ്ടിക്കാട്ടിയായിരുന്നു മന്ത്രിയുടെ ചോദ്യം.
സഞ്ജു സാംസണ് കുറച്ചു കൂടി മെച്ചപ്പെട്ട പരിഗണന ഇന്ത്യൻ സെലക്ടർമാർ നൽകണമെന്ന് സയ്യിദ് മുഷ്താഖ് അലി ട്വന്റി 20 ടൂർണമെന്റിൽ വ്യക്തമാണെന്ന് ശിവൻ കുട്ടി ഫേസ്ബുക്ക് പോസ്റ്റിൽ പറയുന്നു . സഞ്ജു 39 പന്തിൽ പുറത്താകാതെ 52 റൺസ് നേടിയപ്പോൾ ഹിമാചൽ പ്രദേശിനെ 8 വിക്കറ്റിന് തോൽപ്പിച്ച് കേരളം ക്വാർട്ടറിൽ എത്തി.
ടൂർണമെന്റിൽ ഉടനീളം സ്ഥിരതയാർന്ന പ്രകടനമാണ് കേരള ക്യാപ്റ്റൻ കൂടിയായ സഞ്ജു സാംസൺ നടത്തിയത്. ഐപിഎൽ – 14 ൽ സ്ഥിരതയാർന്ന പ്രകടനം നടത്തിയ വിക്കറ്റ് കീപ്പർ – ബാറ്ററും സഞ്ജുവായിരുന്നുവെന്നും ശിവൻ കുട്ടി പറയുന്നു .പിന്നെന്തിന് സഞ്ജുവിനെ ഇന്ത്യന് ടീമില് നിന്ന് മാറ്റി നിര്ത്തണം? എന്നും മന്ത്രി ചോദ്യം ഉന്നയിക്കുന്നു.
Comments