3,800 പെട്ടി നാരങ്ങകൾ , അതിൽ തെരഞ്ഞെടുത്ത 66 എണ്ണം ; 100 കോടി രൂപയുടെ മയക്കുമരുന്ന് കടത്തിയ പുതിയ മാർഗ്ഗം

വ്യാജ നാരങ്ങയിൽ ഒളിപ്പിച്ച് ലഹരി ഗുളികകൾ കടത്താൻ ശ്രമിച്ചവർ യുഎഇയിൽ അറസ്റ്റിൽ . അറബികളായ നാലു പേരെയാണ് ദുബായ് പോലീസ് അറസ്റ്റ് ചെയ്തത് . ലെബനനിലും, ഇറാഖിലും ,സിറിയയിലും നിർമ്മിക്കപ്പെടുന്ന ക്യാപ്റ്റഗൺ, എന്ന ലഹരി മരുന്നാണ് പിടിച്ചെടുത്തത് .

‘66‘ എന്ന് പേരിട്ടിരിക്കുന്ന ഓപ്പറേഷനിൽ, ശീതീകരിച്ച കണ്ടെയ്‌നറിനുള്ളിൽ കടത്തിയ 3,840 നാരങ്ങാ ക്യാനുകൾ കണ്ടെത്തി . ഇതിൽ 66 പെട്ടികളിലെ വ്യാജ നാരങ്ങയിലാണ് ലഹരി വസ്തുക്കൾ ഉണ്ടായിരുന്നതെന്ന് പോലീസ് പറഞ്ഞു. 58 ദശലക്ഷം ദിർഹം മൂല്യമുള്ള ക്യാപ്റ്റഗൺ ഗുളികകളാണ് കണ്ടെത്തിയത് .ഏകദേശം 1,160,500 ഗുളികകൾ ഉണ്ടായിരുന്നു.

സംഭവത്തിന്റെ മുഴുവൻ വീഡിയോയും ദുബായ് പോലീസ് പങ്കുവെച്ചിട്ടുണ്ട്. ലെബനനിൽ നിന്നാണ് ഇത് കൊണ്ടുവന്നതെന്നാണ് സൂചന