ഖത്തറിൽ കൊറോണ ഇതര രോഗികൾക്കായുള്ള അടിയന്തര ട്രോൾ ഫ്രീ നമ്പർ അവതരിപ്പിച്ചു

ദോഹ: ഖത്തറിൽ കൊറൊണ ഇതര രോഗികൾ അടിയന്തര വൈദ്യസഹായത്തിന് ടോൾഫ്രീ നമ്പറായ 16000-ൽ വിളിക്കണമെന്ന് ഹമദ് മെഡിക്കൽ കോർപറേഷൻ. ഞായർ മുതൽ വ്യാഴം വരെ ഈ നമ്പറിൽ  രാവിലെ 8 മുതൽ ഉച്ചകഴിഞ്ഞ് മൂന്നുമണി വരെ ഡോക്ടറുടെ സേവനം ലഭിക്കും.

ശാരീരിക പ്രശ്നങ്ങൾ ആണെങ്കിൽ  ഈ നമ്പറിൽ വിളിച്ചശേഷം മൂന്ന് അമർത്തണം. മാനസിക പ്രശ്നങ്ങളാണെങ്കിൽ നാലാണ് അമർത്തേണ്ടത്.ഡോക്ടറുമായി സംസാരിക്കുന്ന എല്ലാ രോഗികൾക്കും ആവശ്യമായ മാർഗനിർദേശങ്ങൾ ലഭിക്കും. ജനറൽ മെഡിസിൻ, പീഡിയാട്രിക്സ്, ന്യൂറോളജി, ഗൈനക്കോളജി, സർജറി, ഇഎൻടി തുടങ്ങി 12 വിഭാഗങ്ങളിലെ സേവനങ്ങളാണ്  ഈ നമ്പറിൽ ലഭിക്കുക