ന്യൂഡൽഹി: രാജ്യ തലസ്ഥാനത്ത് കൊറോണ നിയന്ത്രണങ്ങളിൽ ഇളവ് പ്രഖ്യാപിച്ചു. കൊറോണ വ്യാപനത്തിൽ കുറവ് രേഖപ്പെടുത്തിയതിനെ തുടർന്നാണ് ഇളവ് പ്രഖ്യാപിച്ചത്. ഇതിന്റെ ഭാഗമായി വാരാന്ത്യ കർഫ്യൂ പിൻവലിച്ചു.എന്നാൽ രാത്രികാല കർഫ്യൂ തുടരും.
സിനിമ തിയേറ്ററുകൾക്കും റെസ്റ്റോറന്റുകൾക്കും ബാറുകൾക്കും 50 ശതമാനം ആളുകളെ പ്രവേശിപ്പിച്ചുകൊണ്ട് പ്രവർത്തിക്കാം. സ്കൂളുകളും വിദ്യാഭ്യാസ സ്ഥാപനങ്ങളും അടഞ്ഞുകിടക്കും. വിവാഹ പരിപാടികളിൽ പങ്കെടുക്കാവുന്നവരുടെ എണ്ണം 200 ആക്കി ഉയർത്തിയിട്ടുണ്ട്. സർക്കാർ, സ്വകാര്യ സ്ഥാപനങ്ങൾക്ക് 50 ശതമാനം ആളുകളെ ഉൾക്കൊള്ളിച്ചുകൊണ്ട് പ്രവർത്തിക്കാനും അനുമതി നൽകി.
കൊറോണ സാഹചര്യം വിലയിരുത്താൻ ഡൽഹി ഡിസാസ്റ്റർ മാനേജ്മെന്റ് അതോറിറ്റി(ഡിഡിഎംഎ)യുടെ നേതൃത്വത്തിൽ ചേർന്ന യോഗത്തിലാണ് നിയന്ത്രണങ്ങളിൽ ഇളവ് നൽകാൻ തീരുമാനിച്ചത്. നിയന്ത്രണങ്ങൾ നീക്കണമെന്ന് ആവശ്യപ്പെട്ട് നഗരത്തിന്റെ പല ഭാഗങ്ങളിലും വ്യാപാരികൾ പ്രതിഷേധവുമായി രംഗത്തെത്തിയിരുന്നു.
Comments