വിമാനത്തിനകത്ത് പാമ്പ്; യാത്രക്കാർ അലറിവിളിച്ചതോടെ വിമാനം താഴെയിറക്കി; വീഡിയോ വൈറൽ

ക്വാലാലംപൂർ : വിമാനത്തിനകത്ത് പാമ്പിനെ കണ്ടെത്തിയതിനെ തുടർന്ന് എയർ ഏഷ്യാ വിമാനം വഴിതിരിച്ച് വിട്ടു. ക്വാലാലംപൂരിൽ നിന്ന് മലേഷ്യയിലെ തവാവിലേക്കുള്ള എയർ ഏഷ്യ വിമാനത്തിലാണ് പുതിയ അതിഥി എത്തിയത്. ഇതിനെ കണ്ട് യാത്രക്കാർ ഭയചകിതരായതിനെ തുടർന്ന് വിമാനം അടിയന്തിരമായി താഴെയിറക്കി.

വ്യാഴാഴ്ചയായിരുന്നു സംഭവം. മുകൾഭാഗത്ത് ലഗ്ഗേജുകൾ വെക്കുന്നതിന് ഉള്ളിലായിരുന്നു പാമ്പിനെ കണ്ടെത്തിയത്. യാത്രക്കാരാണ് പാമ്പിനെ ആദ്യം കണ്ടത്. ഇതോടെ യാത്രക്കാർ ആശങ്കയിലാവുകയായിരുന്നു. വിമാനം താഴെയിറക്കിയ ജീവനക്കാർ നടത്തിയ പരിശോധനയിൽ പാമ്പിനെ പിടികൂടി. അതിനു ശേഷമാണ് തവാവിലേക്കുള്ള യാത്ര തുടർന്നത്.

വിമാനത്തിനുള്ളിലെ പാമ്പിന്റെ ദൃശ്യങ്ങൾ യാത്രക്കാർ പകർത്തുകയും സാമൂഹ്യമാദ്ധ്യമങ്ങളിൽ പ്രചരിപ്പിക്കുകയും ചെയ്തു. ഈ ദൃശ്യങ്ങൾ സമൂഹമാദ്ധ്യമങ്ങളിൽ വൈറലായിരിക്കുകയാണ്.

Yikes!
Snake on a plane!
Either an escaped pet from passenger carry on/luggage or possibly climbed its way into the aircraft from the ground.

Air Asia Airbus A320-200,Kuala Lumpur to Tawau.
This dude happily stayed inside the illuminated area till plane was diverted😂 pic.twitter.com/jqopi3Ofvp

— Hana Mohsin Khan | هناء (@girlpilot_) February 12, 2022

എന്നാൽ പാമ്പ് എങ്ങനെയാണ് വിമാനത്തിൽ കയറിക്കൂടിയതെന്ന് വ്യക്തമല്ല. ബാഗിൽ കയറിയ പാമ്പ് വിമാനത്തിൽ വെച്ച് പുറത്തിറങ്ങിയതാകാമെന്നാണ് നിഗമനം. യാത്രക്കാരിൽ ആരെങ്കിലും രഹസ്യമായി ബാഗിനുള്ളിൽ ഒളിപ്പിച്ച് പാമ്പിനെ കടത്താൻ ശ്രമിച്ചതാകാനുള്ള സാധ്യതയും തള്ളിക്കുളയുന്നില്ല. സംഭവത്തിൽ അന്വേഷണം നടത്തുമെന്ന് അധികൃതർ അറിയിച്ചു.