പെട്രോളൊഴിച്ച് ഭർത്താവ് തീകൊളുത്തിയ യുവതി മരണത്തിന് കീഴടങ്ങി; കുടുംബ വഴക്കെന്ന് പോലീസ്

കൊല്ലം: പെട്രോൾ ഒഴിച്ച് ഭർത്താവ് തീകൊളുത്തിയ കൊല്ലം നീണ്ടകര സ്വദേശി ശരണ്യ (34)മരണത്തിന് കീഴടങ്ങി.ഇന്ന് രാവിലെയാണ് ഭർത്താവ് ബിനു പെട്രോൾ ഒഴിച്ച് തീകൊളുത്തിയത്.

90 ശതമാനം പൊള്ളലേറ്റ് അതീവ ഗുരുതരാവസ്ഥയിലായ ശരണ്യ കൊല്ലത്തെ സ്വകാര്യ ആശുപത്രിയിൽ ചികിത്സയിലായിരുന്നു.

പെട്രോളൊഴിച്ചതിന് പിന്നാലെ ഭർത്താവ് ബിനു ചവറ സ്റ്റേഷനിൽ കീഴടങ്ങിയിരുന്നു. കുടുംബ വഴക്കാണ് ആക്രമണത്തിന് കാരണമെന്നാണ് പോലീസിന്റെ പ്രാഥമിക നിഗമനം. സംഭവത്തിൽ കേസന്വേഷണം പുരോഗമിക്കുകയാണ്.