ഇസ്ലാമാബാദ് : പാകിസ്താനിലെ ക്വറ്റയിൽ സ്ഫോടനം . മൂന്ന് പേർ കൊല്ലപ്പെടുകയും നിരവധി പേർക്ക് പരുക്കേൽക്കുകയും ചെയ്തു . 19 ഓളം പേർക്കാണ് പരിക്കേറ്റത് . ഇവരെ ആശുപത്രിയിലേക്ക് മാറ്റി.
ക്വറ്റയിലെ ഫാത്തിമ ജിന്ന റോഡിലാണ് സംഭവം . ജനസാന്ദ്രതയേറിയതും വാണിജ്യമേഖലയായതുമായ പ്രദേശത്തായിരുന്നു ശക്തമായ സ്ഫോടനം . നിരവധി വാഹനങ്ങളും, കടകളും കത്തി നശിച്ചു.
സ്ഫോടനം നടന്നയുടൻ രക്ഷാപ്രവർത്തകരും സുരക്ഷാ സംഘങ്ങളും സ്ഥലത്തെത്തി. സൈന്യം പ്രദേശം വളയുകയും രക്ഷാപ്രവർത്തനം ആരംഭിക്കുകയും ചെയ്തു . സ്ഥലത്ത് അടിയന്തിരാവസ്ഥ പ്രഖ്യാപിച്ചു . ക്വറ്റ ഉൾപ്പെടെയുള്ള ബലൂചിസ്ഥാൻ മേഖല അതീവ ജാഗ്രതയിലാണെന്ന് അധികൃതർ പറഞ്ഞു.
Comments