ചെന്നൈ: തമിഴ്നാട്ടിൽ റോഡ് അപകടത്തിൽപ്പെട്ടവരെ സഹായിക്കുന്നവർക്ക് പാരിതോഷികം പ്രഖ്യാപിച്ച് മുഖ്യമന്ത്രി എം.കെ സ്റ്റാലിൻ. സഹായഹസ്തം നീട്ടുന്നവർക്ക് ക്യാഷ് പ്രൈസും, സർട്ടിഫിക്കറ്റും നൽകുമെന്ന് മുഖ്യമന്ത്രി അറിയിച്ചു.
‘റോഡ് അപകടത്തിൽ പരിക്കേറ്റവരെ സഹായിക്കുകയും, ഗോൾഡൻ അവർ എന്ന് വിളിക്കുന്ന ആദ്യ 60 മിനിറ്റുകൾക്കുള്ളിൽ അവരെ ആശുപത്രിയിൽ എത്തിക്കുകയും ചെയ്യുന്നവർക്ക് സർട്ടിഫിക്കറ്റും, 5,000 രൂപ ക്യാഷ് പ്രൈസും പാരിതോഷികമായി നൽകും’ മുഖ്യമന്ത്രി സ്റ്റാലിൻ ട്വിറ്ററിൽ കുറിച്ചു.
சாலை விபத்தில் சிக்கிய நபர்களை உடனடியாக, Golden Hours-க்குள் மருத்துவமனைக்கு கொண்டுவந்து, உயிரைக் காக்கக்கூடிய மனிதநேயப் பண்போடு பணியாற்றும் நல்ல உள்ளங்களுக்கு நற்சான்றிதழும், ரூ. 5,000 ரொக்கப்பரிசும் வழங்கப்படுகிறது என மாண்புமிகு முதலமைச்சர் @mkstalin அவர்கள் தெரிவித்துள்ளார். pic.twitter.com/57F8o7Cy6p
— CMOTamilNadu (@CMOTamilnadu) March 21, 2022
പരിക്കേറ്റവർക്ക് ആദ്യ 48 മണിക്കൂറിനുള്ളിൽ സൗജന്യ ചികിത്സ നൽകുന്ന ‘ഇന്നുയിർ കാപ്പോൻ’ എന്ന പദ്ധതി മുഖ്യമന്ത്രി സ്റ്റാലിൻ നേരത്തെ ആരംഭിച്ചിരുന്നു. സംസ്ഥാനത്തൊട്ടാകെയുള്ള 408 സ്വകാര്യ ആശുപത്രികളും 201 സർക്കാർ ആശുപത്രികളും സുവർണ മണിക്കൂറിൽ വൈദ്യസഹായം നൽകുന്നതിനും ജീവൻ രക്ഷിക്കുന്നതിനുമായി ഈ പദ്ധതിയക്കായി പ്രവർത്തിച്ചുവരിയാണ്.
പദ്ധതി പ്രകാരം, മികച്ച ചികിത്സയ്ക്കൊപ്പം ഇരയ്ക്ക് പരമാവധി ഒരു ലക്ഷം രൂപയുടെ പരിരക്ഷയും ലഭിക്കും. മുഖ്യമന്ത്രിയുടെ സമഗ്ര ആരോഗ്യ ഇൻഷുറൻസ് പദ്ധതിയുടെ ഗുണഭോക്താക്കൾക്കും അല്ലാത്തവർക്കും ഈ ആനുകൂല്യം ലഭിക്കുന്നതാണ്.
Comments