കൊലയാളി തിമിംഗലം, റെഡ് പാണ്ട തുടങ്ങിയ പേരുകൾ ഒക്കെ നമ്മൾക്കൊക്കെ സുപരിചിതമാണ്. കേൾക്കുമ്പോൾ അൽപ്പമൊക്കെ പേടി തോന്നുമെങ്കിലും, പേരിലുള്ളത് പോലെ അത്രകണ്ട് പേടിക്കേണ്ട ജീവികളല്ല ഇവ. ഇതേപോലെ തന്നെ പേര് കൊണ്ട് അൽപ്പം പേടിപ്പെടുത്തുന്ന ഒരു പ്രാണിയാണ് ബൊംബാർഡിയൻ ബീറ്റിൽ എന്ന വണ്ടുകൾ. എന്നാൽ പേരുപോലെ അൽപ്പം പേടിക്കേണ്ട വണ്ടുകളാണ് ഇവ. കാരണം ശത്രുക്കളെ പ്രതിരോധിക്കാൻ ഇവ സ്വീകരിക്കുന്ന രീതി തന്നെയാണ് ഇവയെ ഭയങ്കരന്മാരാക്കുന്നത്. അന്റാർട്ടിക്ക ഒഴികെയുള്ള എല്ലാ ഭൂഖണ്ഡങ്ങളിലും ഇവയുടെ വ്യത്യസ്ത വകഭേദങ്ങളെ കാണാനാകും. ഇവയുടെ 500നടുത്ത് വകഭേദങ്ങളെ ഇതുവരെ കണ്ടെത്തിയിട്ടുണ്ട്.
ശത്രുക്കൾ ആക്രമിക്കാൻ എത്തുമ്പോൾ ഇവ പുറന്തള്ളുന്ന ‘കെമിക്കൽ ബോംബാണ്’ ഇവയെ അപകടകാരിയാക്കി മാറ്റുന്നത്. ഇവ സ്വന്തം ശരീരത്തിൽ നിന്ന് പുറന്തള്ളുന്ന ദ്രാവകമാണ് ഇത്. മറ്റ് ജീവികളോ ചെറുപ്രാണികളോ ആക്രമിക്കാൻ എത്തിയാൽ ഇവയ്ക്ക് അതിവേഗം രക്ഷപെടാനുള്ള കഴിവില്ല. അതുകൊണ്ട് തന്നെയാണ് ഈ വണ്ടുകളിൽ ഇത്ര ശക്തിയേറിയ ആക്രമണ സംവിധാനം ഉള്ളത്. പറന്നുയരുന്നതിന് മുൻപായി ഇവയുടെ ചിറകുകളുടെ അടിയിൽ നിന്നാണ് ദ്രാവകം പുറത്തേക്ക് വരുന്നത്. ശരീരത്തിൽ പൊള്ളൽ ഉണ്ടാക്കുന്ന ഒരു രാസവസ്തുവാണിത്. അതുകൊണ്ട് പല ജീവികളും ഇവയെ ഭക്ഷണമാക്കാൻ ശ്രമിക്കാറില്ല. അപകടസാധ്യത തോന്നിയാലുടൻ ഇവ വയറിനുള്ളിൽ വച്ച് രാസവസ്തുക്കൾ ഉത്പാദിപ്പിക്കുന്നു. ആക്രമിക്കാനെത്തുന്നു എന്നു ഈ വണ്ടുകൾക്ക് തോന്നുന്ന നിമിഷം തന്നെ അവ അത് പുറത്തേക്ക് സ്പ്രേ ചെയ്യും.
Predators be warned! The bombardier beetle has an explosive defense. It mixes chemicals w/ catalysts in the rear of its abdomen, producing a chemical reaction that blasts out a noxious spray at 212°F! It even detonates after being gulped to be thrown back up to live another day. pic.twitter.com/RzjMnVb8oh
— American Museum of Natural History (@AMNH) March 24, 2018
ബെൻസോക്വിനോൺ എന്നാണ് ഈ ദ്രാവകത്തെ വിളിക്കുന്നത്. തീവ്രതയേറിയും കഠിനമായ ചൂടുള്ളതുമാണ് ഈ ദ്രാവകം. വണ്ടിന്റെ ശരീരത്തിലെ രണ്ട് ഗ്രന്ഥികളിൽ നിന്നാണ് ഈ ദ്രാവകം പുറത്തേക്കെത്തുന്നത്. ഒരു അറയിൽ ഹൈഡ്രജൻ പെറോക്സൈഡും ഹൈഡ്രോക്വിനോണും മറ്റൊന്നിൽ ഓക്സിജനും വെള്ളവും ഉത്പാദിപ്പിക്കാൻ സാധിക്കുന്ന ഹൈഡ്രജൻ പെറോക്സൈഡിന്റെ മിശ്രിതവുമാണുള്ളത്. ഇതിൽ ഓക്സിജൻ ഹൈഡ്രോക്വിനോണുമായി കൂടിച്ചേർന്ന് ബെൻസോക്വിനോൺ ആയി മാറുന്നു. ഇങ്ങനെ ഈ വണ്ട് പുറത്ത് വിടുന്ന രാസമിശ്രിതത്തിന് 100 ഡിഗ്രി സെൽഷ്യസ് വരെ ചൂടാകാൻ കഴിയും. 20 തവണ വരെ ഇവയ്ക്ക് ഈ രാസമിശ്രിതം പുറത്ത് വിടാൻ കഴിയും.
Comments