തിരുവനന്തപുരം: പാലക്കാട് പേ വിഷബാധയേറ്റ് 19 വയസുകാരി മരണമടഞ്ഞ സംഭവത്തിൽ ഇടപെട്ട് ആരോഗ്യ വകുപ്പ് മന്ത്രി വീണാ ജോർജ്ജ്. സംഭവത്തിൽ അന്വേഷണം നടത്തി റിപ്പോര്ട്ട് നല്കാന് ആരോഗ്യ വകുപ്പ് ഡയറക്ടര്ക്ക് മന്ത്രി നിർദ്ദേശം നൽകി. പാലക്കാട് ജില്ലാ സര്വയലന്സ് ഓഫീസറുടെ നേതൃത്വത്തില് റാപ്പിഡ് റെസ്പോണ്സ് ടീം രൂപീകരിച്ച് വിശദമായ അന്വേഷണം നടത്തുമെന്ന് മന്ത്രി അറിയിച്ചു.
പാലക്കാട് മങ്കര മഞ്ഞക്കര പടിഞ്ഞാക്കര വീട്ടിൽ സുഗുണന്റെ മകൾ ശ്രീലക്ഷ്മി ആണ് പേ വിഷബാധയേറ്റ് മരിച്ചത്. ആരോഗ്യ വകുപ്പ് നിർദേശിച്ച എല്ലാ വാക്സീനുകളും എടുത്തിട്ടും പെൺകുട്ടി മരിക്കുകയായിരുന്നു. രണ്ട് ദിവസം മുൻപ് പനി ബാധിച്ച് സ്വകാര്യ ക്ലിനിക്കിൽ പരിശോധിച്ചപ്പോഴാണ് പേവിഷബാധയുടെ ലക്ഷണങ്ങൾ കാണിച്ചത്. തുടർന്ന് തൃശൂർ മെഡിക്കൽ കോളജിൽ ചികിൽസ നടത്തിയിരുന്നു. വ്യാഴാഴ്ച പുലർച്ചെ 3നാണ് മരണം സംഭവിക്കുന്നത്.
Comments