ബംഗലൂരു: പ്രശസ്ത വാസ്തുവിദ്യാ വിദഗ്ദ്ധൻ ചന്ദ്രശേഖർ ഗുരുജിയെ അജ്ഞാതർ കുത്തി കൊലപ്പെടുത്തി. ചൊവ്വാഴ്ച ഉച്ചയ്‌ക്കായിരുന്നു സംഭവം. കഴുത്തിലും വയറിലുമായാണ് അദ്ദേഹത്തിന് കുത്തേറ്റത്.
കന്നഡ ടെലിവിഷൻ ചാനലുകളിൽ വാസ്തു ശാസ്ത്രവുമായി ബന്ധപ്പെട്ട് ശ്രദ്ധേയമായ പരിപാടികൾ അവതരിപ്പിക്കുന്ന പ്രശസ്ത വ്യക്തിത്വമാണ് ഗുരുജി. ഗുരുജിയുടെ ആശീർവാദം വാങ്ങാനെത്തിയ ഭക്തർ എന്ന വ്യാജേന വന്നവരാണ് കൊലപാതകം നടത്തിയത് എന്ന് ദൃക്സാക്ഷികൾ പറഞ്ഞു. ഗുരുജിയെ കുത്തിയ ശേഷം അക്രമികൾ കാറിൽ രക്ഷപെട്ടു. തുടർന്ന്, അദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ജൂലൈ 2ന് മുംബൈയിൽ നിന്നും എത്തിയ ഗുരുജി ബുധനാഴ്ച മുറി വിടാനിരുന്നതാണ് എന്ന് ഹോട്ടൽ ജീവനക്കാർ അറിയിച്ചു. കൊലപാതകം നടന്ന മുറി പോലീസ് പൂട്ടി സീൽ ചെയ്തു. സംഭവത്തിന്റെ മുഴുവൻ സിസിടിവി ദൃശ്യങ്ങളും പോലീസിന് ലഭിച്ചു. ഗുരുജി വന്ന് സോഫയിൽ ഇരിക്കുന്നതും, അക്രമികൾ അദ്ദേഹവുമായി സംസാരിക്കുന്നതും തുടർന്ന് കുത്തി കൊലപ്പെടുത്തുന്നതുമായ ദൃശ്യങ്ങളാണ് പോലീസിന് ലഭിച്ചത്. പ്രതികളെ പിടികൂടാൻ പോലീസ് പ്രത്യേക സംഘങ്ങളെ നിയോഗിച്ചു.
Saral Vaastu’ fame Dr. Chandrashekhar Guruji killed
“Saral Vaastu” fame Dr. Chandrashekhar Guruji has been reportedly #murdered in the broad daylight, here on Tuesday. As per the reports, he was stabbed and murdered in a private hotel near Unkal Lake. #Hubli pic.twitter.com/gVjr1T9ExA
— Madhu M (@MadhunaikBunty) July 5, 2022
Comments