മാലിന്യം വലിച്ചെറിയുന്നതിൽ ബഹിരാകാശവും ഒഴിവാക്കിയില്ല; 78 കിലോ മാലിന്യം തള്ളി അന്താരാഷ്‌ട്ര ബഹിരാകാശ നിലയം

ന്യൂയോർക്ക്: ഭൂമിയിൽ മാലിന്യം നിറച്ച് താമസിക്കാൻ കൊള്ളാത്തതാക്കിയ മനുഷ്യൻ ബഹിരാകാശത്തേയും മാലിന്യം കൊണ്ട് നിറയ്‌ക്കുന്നു. ലോകരാഷ്‌ട്രങ്ങൾ സംയുക്തമായി നിർമ്മിച്ചിരിക്കുന്ന ബഹിരാകാശ നിലയമാണ് മാലിന്യത്തെ പുറന്തള്ളിയത്.

ISS Research on Twitter: “For the first time, the Nanoracks Bishop Airlock has helped take out the trash from the @Space_Station! ~172 pounds of waste was sent to burn up on reentry this past weekend. The trash included packing materials, dirty crew clothing and used office supplies. 🗑️ https://t.co/52VTyw0G7y” / Twitter

78 കിലോ മാലിന്യമാണ് ഒരു വലിയ കെട്ടാക്കി ബഹിരാകാശ നിലയത്തിൽ നിന്ന് ശൂന്യാകാശത്തേക്ക് വലിച്ചെറിഞ്ഞത്. നിലയത്തിന്റെ പ്രത്യേക പുറന്തള്ളൽ വാതിലുള്ള ബിഷപ്പ് എയർലോക് എന്നതിലൂടെയാണ് ശക്തമായ മർദ്ദത്തിലൂടെ കിലോമീറ്ററുകൾ ദൂരത്തിലേയ്‌ക്ക് മാലിന്യത്തെ തള്ളിയത്.

നാസയുടെ ജോൺസൻ സ്‌പേസ് സെന്ററും സ്വകാര്യ സ്ഥാപനമായ നാനോറോക്‌സും സംയുക്തമായാണ് മാലിന്യം നിറച്ച് തള്ളാനാകുന്ന പ്രത്യേക തരം സഞ്ചി ബഹിരാകാശ ത്തിനായി തന്നെ രൂപപ്പെടുത്തിയത്. വിജയിച്ചിരിക്കുന്നത് ഭാവിയിൽ എല്ലാ ബഹിരാകാശ നിലയങ്ങൾക്കും ഉപയോഗിക്കാവുന്ന സംവിധാനമാണ്.

ഇത് ആദ്യമായാണ് ബിഷപ് എയർലോക് സംവിധാനത്തിലൂടെ മാലിന്യം പുറന്തള്ളുന്നത്. എന്നാൽ ഇത് തുടക്കം മാത്രമാണ്. കൂടുതൽ ഫലപ്രദമായ സംവിധാനം ഗവേഷണ ഘട്ടത്തിലാ ണെന്നും ഇതിന്റെ വിജയം ആവേശം നൽകുന്നുവെന്നും നാനോ റോക്‌സ് മേധാവി ഡോ. അമേലാ വിൽസൺ പറഞ്ഞു.

ബഹിരാകാശ നിലയങ്ങളിലെ കുമിഞ്ഞുകൂടുന്ന എല്ലാത്തരം മാലിന്യങ്ങളേയും സംസ്‌ക്കരിച്ച ശേഷമാണ് പ്രത്യേക ബാഗിൽ നിറച്ച് പ്രത്യേക മർദ്ദത്തിൽ അമർത്തിയൊ തുക്കിയ ശേഷം പുറന്തള്ളുന്നത്. വായുരഹിത പ്രതലമാക്കിമാറ്റിക്കൊണ്ടാണ് മാസങ്ങളോളം ശേഖരിക്കുന്ന മാലിന്യങ്ങളെ തള്ളുക.