കോട്ടയം:മണർകാട് മാലത്ത് കുളിക്കാനിറങ്ങി വെള്ളത്തിൽ വീണ് കാണാതായ വിദ്യാർത്ഥിയുടെ മൃതദേഹം കണ്ടെത്തി.മണർകാട് സെന്റ് മേരീസ് സ്‌കൂളിലെ കൊമേഴ്സ് അദ്ധ്യാപകൻ പണ്ടാരത്തിക്കുന്നേൽ ബെന്നിയുടെ മകൻ അമലിന്റെ മൃതദേഹമാണ് നാട്ടുകാരും ഫയർഫോഴ്‌സിന്റെ സ്‌കൂബാ സംഘവും ചേർന്ന് നടത്തിയ തിരച്ചിലിൽ കണ്ടെത്തിയത്.
മണർകാട് മാലം മേത്താപ്പറമ്പിലെ റബർ തോട്ടിത്തിലാണ് വിദ്യാർത്ഥി അഞ്ചംഗ സംഘത്തിനൊപ്പം കുളിക്കാനിറങ്ങിയത്. തുടർന്നു കുട്ടിയെ കാണാതാകുകയായിരുന്നു. ഒരു മണിക്കൂറോളം നീണ്ട തിരച്ചിലിനൊടുവിലാണ് മൃതദേഹം കണ്ടെത്തിയത്.
ഒപ്പമുണ്ടായിരുന്ന സുഹൃത്തുക്കൾ ആദ്യം ഒപ്പം വെള്ളത്തിൽ ചാടി രക്ഷാപ്രവർത്തനം നടത്താൻ ശ്രമിച്ചുവെങ്കിലും കുട്ടിയെ കണ്ടെത്താൻ സാധിച്ചില്ല.തുടർന്ന് നാട്ടുകാരെ വിവരം അറിയിച്ചതോടെ അഗ്നിശമനസേനയുടെ സ്‌കൂബാ സംഘവും പോലീസും സ്ഥലത്ത് എത്തി തിരച്ചിൽ ആരംഭിച്ചു. ഒരു മണിക്കൂറോളം നീണ്ട തിരച്ചിലിനൊടുവിലാണ് സമീപത്തു നിന്നു തന്നെ മൃതദേഹം കണ്ടെത്തിയത്. മൃതദേഹം ജില്ലാ ആശുപത്രിയിലെ മോർച്ചറിയിലേയ്‌ക്കു മാറ്റി.
Comments