വളർത്തുനായയുടെ പല്ല് വൃത്തിയാക്കാൻ ഇറങ്ങി; യുവാവിന് നഷ്ടമായത് അഞ്ച് ലക്ഷം; മൂക്കത്ത് വിരൽവെച്ച് നായപ്രേമികൾ

സൗന്ദര്യ സംരക്ഷണത്തിന് ഏറെ പ്രാധാന്യം കൊടുക്കുന്നവരാണ് ഓരോ മനുഷ്യരും. എന്നാൽ അരുമ നായയുടെ സൗന്ദര്യത്തിലും ആരോഗ്യത്തിലും പ്രധാന്യം കൊടുത്ത യുവാവിന്റെ അനുഭവം സമൂഹമാദ്ധ്യമങ്ങളിൽ തംരഗമാകുകയാണ്. 12 വയസ്സുകാരാനായ അരുമ നായയോടുള്ള വാത്സല്യം കൊണ്ട് യുവാവിന് അഞ്ച് ലക്ഷം രൂപയാണ് നഷ്ടമായത്.

പല്ല് വൃത്തിയാക്കുന്നതിനിടെ നായയുടെ ശരീരത്തിലെ നിറം മങ്ങുന്നതായി ക്ലിനിക്കിലെ ആളുകൾ ചൂണ്ടിക്കാട്ടിയതാണ് നിസാര ചിലവിൽ ഒതുങ്ങുമായിരുന്ന ചികിത്സ ലക്ഷങ്ങളുടെ കണക്കിലേക്ക് മാറിയത്. ഇതോടെ വൃത്തിയാക്കുന്നത് നിർത്തി എന്താണ് സംഭവിച്ചതെന്ന് മനസിലാക്കാൻ പരിശോധനകളും ടെസ്റ്റുകളും തുടങ്ങി. ഓരോ ടെസ്റ്റിനും യുവാവിന്റെ പോക്കറ്റിൽ നിന്ന് ചിലവായതാകട്ടെ വൻ തുകകളും. നായ ആരോഗ്യവാനാണോയെന്നറിയാനായി എക്‌സറേ എടുത്തു.കാർഡിയാക്, രക്ത പരിശോധനകളും നടത്തി. ഈ ടെസ്റ്റുകളിൽ ഒന്നും തന്നെ പ്രശ്‌നങ്ങൾ കണ്ടെത്തിയില്ല. . പരിശോധനയിൽ വായ്‌ക്കുള്ളിൽ മാസഭാഗം കണ്ടെത്തി. ഇത് നീക്കം ചെയ്ത് അർബുദ പരിശോധനയ്‌ക്ക് അയക്കുകയും ചെയ്തു. തുടർന്ന് ചികിത്സയുടെ ഭാഗമായി പല്ലുകൾ നീക്കം ചെയ്തു. ഇതിനെല്ലാം കൂടിയാണ് യുവാവിന് അഞ്ച് ലക്ഷം രൂപ ചിലവായത്.

നിരവധി പേരാണ് സമൂഹ മാദ്ധ്യമങ്ങളിൽ യുവാവിന്റെ പ്രവൃത്തിയ്‌ക്ക് അഭിനന്ദനവുമായി എത്തിയത്. ആവശ്യമായ വൈദ്യചികിത്സ മൃഗങ്ങൾക്ക് നൽകുന്നത് തെറ്റല്ലന്നും വളരെ നല്ല തീരുമാനമാണെന്നും എല്ലാവരും മാതൃക ആക്കണമെന്നും ഒരു ഉപയോക്താവ് കുറിച്ചു. ആളുകൾ സമ്പന്നരായത് കൊണ്ടല്ല മൃഗാശുപത്രിയെയും മൃഗ ഡോക്ടറെയും സമീപിക്കുന്നത്, മറിച്ച് അവയോടുള്ള അടങ്ങാത്ത അഭിനിവേശമാണ് ഇത്തരത്തിലുള്ള പ്രവൃത്തികൾ ചെയ്യാൻ പ്രേരിപ്പിക്കുന്നതെന്ന് ഒരാൾ അഭിപ്രായപ്പെട്ടു.