കാത്ത് കാത്തൊരു പൊന്നോണം – ജനം ടിവി ഒരുക്കുന്ന ഓണവിരുന്ന് ദുബായിൽ

ജനം ടിവി ഒരുക്കുന്ന ഓണവിരുന്ന് ‘കാത്ത് കാത്തൊരു പൊന്നോണം‘ നാളെ ദുബായിലെ അൽനാസർ ലെഷർലാന്റിൽ അരങ്ങേറും. യുഎഇയിലെ പ്രവാസി ഭാരതീയരുടെ കൂട്ടായ്മയായ എഫ്ഒഐയുടെ ആഭിമുഖ്യത്തിലാണ് പരിപാടി ഒരുങ്ങുന്നത്. മലയാളത്തിന്റെ പ്രിയപ്പെട്ട ​ഗായകൻ ഉണ്ണിമേനോന്റേയും ചലച്ചിത്രതാരം ശ്രുതി ലക്ഷ്മിയുടേയും നേതൃത്വത്തിലുള്ള കലാവിരുന്ന് പരിപാടിയുടെ മാറ്റ് കൂട്ടും. ഞായറാഴ്ച വൈകീട്ട് 6. 30 മുതൽ ആരംഭിക്കുന്ന പരിപാടിയിൽ ചിരിവിരുന്നൊരുക്കുന്നത് അസീസ് നെടുമങ്ങാട് , ഉല്ലാസ് പന്തളം എന്നിവരുടെ നേതൃത്വത്തിലുള്ള സംഘമാണ് .ഗായിക സം​ഗീത പ്രഭു , നാടൻ പാട്ട് ശീലുകളിലൂടെ പ്രശസ്തയായ കലാകാരി പ്രസീദ ചാലക്കുടി, റിയാലിറ്റി ഷോകളിലൂടെ സംഗീതാസ്വാദകർ നെഞ്ചേറ്റിയ വൈഷ്ണവ് ​ഗിരീഷ്, അനാമിക പി എസ് തുടങ്ങിയവരും പ്രകടനങ്ങളുമായി എത്തും.

വിവിധ ഭാ​ഗങ്ങളിൽ നിന്നും 3000 ത്തോളം പേർ പങ്കെടുക്കുമെന്നാണ് പ്രതീക്ഷിക്കുന്നത്. മഹാമാരിക്ക് ശേഷമെത്തിയ പൊന്നോണം ആഘോഷമാക്കാനുള്ള ഒരുക്കത്തിലാണ് സംഘാടകർ. ഐസിഎൽ ഫിൻകോർപ്പ്, വെൽത്ത് ഐ സെവൻ സ്റ്റാർ, പിട്ടാപ്പിള്ളിയിൽ ഏജൻസീസ്, ബൈജൂസ് ലേണിം​ഗ് ആപ്പ്, ആർക്കെയ്സ് സ്റ്റഡീ എബ്രോഡ്, ഭവൻസ് മിഡിൽ ഈസ്റ്റ്, അമൃത് വേണി, അക്ബർ ട്രാവൽസ്, പുനർജിത് ഓജസ് ക്യാപ്സ്യൂൾസ് , മസ്റ്റാർഡ് റെസ്റ്റോറന്റ്, ഔ റിവോയെർ റിസോർട്സ് പാലക്കാട് എന്നിവരാണ് പരിപാടിയുടെ പ്രായോജകർ. സിനിബ്ലിറ്റ്സ് ഐഎം എച്ച് ഡി ടിവി, ഭാരത് ടുഡേ ടിവി, യുബിഎൽ ടിവി, തമിഴ് എഫ്എം 89.4 , ഖുഷി റേഡിയോ , റേഡിയോ ഏഷ്യ എന്നിവരാണ് പരിപാടിയുമായി സഹകരിക്കുന്നുണ്ട്.