കൊച്ചി: മലയാളം ടെലിവിഷൻ താരം രശ്മി ജയഗോപാൽ(51 ) അന്തരിച്ചു. ശാരീരിക ബുദ്ധിമുട്ടുകളെ തുടർന്ന് ചികിത്സയിൽ കഴിയവെ ആശുപത്രിയിൽവെച്ചായിരുന്നു അന്ത്യം.ഭർത്താവ്: ജയഗോപാൽ. മകൻ: പ്രശാന്ത് കേശവ.
ബംഗളൂരുവിൽ ജനിച്ചു വളർന്ന താരം പരസ്യചിത്രങ്ങളിൽ അഭിനയിച്ചുകൊണ്ടാണ് അഭിനയരംഗത്ത് തുടക്കംകുറിച്ചത്. വിവിധ ചാനലുകളിലായി സംപ്രേക്ഷണം ചെയ്തിരുന്ന സീരിയലുകളിലൂടെയാണ് രശ്മി ശ്രദ്ധിക്കപ്പെട്ടത്. സൂര്യ ടിവിയിലെ സ്വന്തം സുജാത എന്ന പരമ്പരയിലെ സാറാമ്മ രശ്മിയുടെ ജനപ്രിയ കഥാപാത്രങ്ങളിലൊന്നാണ്.
സത്യം ശിവം സുന്ദരം, കായംകുളം കൊച്ചുണ്ണിയുടെ മകൻ എന്നിവയാണ് മറ്റ് പ്രധാന സീരിയലുകൾ.2019ൽ പുറത്തിരങ്ങിയ ‘ഒരു നല്ല കോട്ടയംകാരൻ’ എന്ന ചിത്രത്തിലടക്കം നിരവധി സിനിമകളിലും രശ്മി ജയഗോപാൽ അഭിനയിച്ചിട്ടുണ്ട്. രശ്മിയുടെ വിയോഗത്തിൽ സിനിമ സീരിയൽ രംഗത്തെ പ്രമുഖർ അനുശോചനമറിയിച്ച് രംഗത്തെത്തി.
Comments