മുംബൈ: സുഹൃത്തുക്കളോടൊപ്പം ജന്മദിന ആഘോഷ വേളയിൽ വടിവാളുകൊണ്ട് കേക്ക് മുറിച്ച 17കാരനായ യുവാവിനെതിരെ കേസടുത്ത് പോലീസ്. ജന്മദിന ആഘോഷത്തിന്റെ ഭാഗമായി വിജനമായ പരിസരത്ത് വെച്ച് സുഹൃത്തുക്കളുമായി ചേർന്ന് കേക്ക് മുറിക്കുന്ന വീഡിയോ സമൂഹ മാദ്ധ്യമങ്ങളിൽ ഇവർ പങ്കുവെച്ചിരുന്നു.
സംഭവം ശ്രദ്ധയിൽ പെട്ട പോലീസ് യുവാവിനെതിരെ സ്വമേധയാ കേസെടുക്കുകയായിരുന്നു. ഇയാൾ വടി വാളുകൊണ്ട് 21 കേക്കാണ് മുറിച്ചത്. മുംബൈയിലെ ബോറിവലി ഏരിയയിലെ ആളൊഴിഞ്ഞ പ്രദേശത്ത് വെച്ചാണ് ഇവർ ആഘോഷം സംഘടിപ്പിച്ചതെന്ന് പോലീസ് പറഞ്ഞു.
വീഡിയോ സമൂഹമാദ്ധ്യമങ്ങളിൽ വൈറലായതോടെ യുവാക്കൾ വെട്ടിലാവുകയായിരുന്നു. സംഭവത്തെ തുടർന്ന് കേസെടുത്ത വിവരം അറിഞ്ഞ യുവാവും സംഘവും ഒളിവിലാണ്. ഇവരുമായി ബന്ധപ്പെട്ട് കൂടുതൽ അന്വേഷണം നടത്തുമെന്നും എവിടെ നിന്നാണ് ഇവർക്ക് വാൾ ലഭിച്ചതെന്നുമുള്ള വിവരങ്ങൾ തേടുമെന്നും പോലീസ് ഉദ്യോഗസ്ഥർ അറിയിച്ചു.
Comments