‘അമ്മ വിളിച്ചു ഉടൻ പോകണം’ :ഭാരത് ജോഡോ യാത്ര അവസാനിപ്പിച്ചു? രാഹുൽ ഡൽഹിയിലേക്ക് മടങ്ങുന്നു-Bharat Jodo Yatra

തിരുവനന്തപുരം: ദിവസങ്ങളായി തുടരുന്ന ഭാരത് ജോഡോ യാത്ര നിർത്തിവെച്ച് രാഹുൽ ഗാന്ധി ഡൽഹിയിലേക്ക് മടങ്ങുന്നു. സോണിയാ ഗാന്ധിയുമായി കൂടിക്കാഴ്ച നടത്തുന്നതിന് വേണ്ടിയാണ് രാഹുൽ ഗാന്ധി ഡൽഹിയിലേക്ക് പോകുന്നത് എന്നാണ് റിപ്പോർട്ടുകൾ. വെള്ളിയാഴ്ച ഡൽഹിയിലേക്ക് പോകുന്ന രാഹുൽ മടങ്ങിയെത്തിയ ശേഷം ഭാരത് ജോഡോ യാത്ര വീണ്ടും ആരംഭിക്കും.

നിലവിൽ കോൺഗ്രസ് അദ്ധ്യക്ഷ സ്ഥാനത്തേക്കുള്ള മത്സരവുമായി ബന്ധപ്പെട്ട കാര്യങ്ങൾ പുരോഗമിക്കുകയാണ്. ഇതിനിടെയാണ് രാഹുൽ ഗാന്ധി അടിയന്തിരമായി ഡൽഹിയിലേക്ക് തിരിക്കുന്നത്. ശനിയാഴ്ച ചാലക്കുടിയിൽ നിന്നും യാത്ര വീണ്ടും ആരംഭിക്കുമെന്നാണ് വിവരം. നിലവിൽ ഭാരത് ജോഡോ യാത്രയ്‌ക്ക് വലിയ പ്രാധാന്യമോ ജനപ്രീതിയോ കേരളത്തിൽ ലഭിക്കുന്നില്ല. ഇത് മനസ്സിലാക്കിയാണ് ഔദ്യോഗിക കാര്യങ്ങൾ ചൂണ്ടിക്കാട്ടി അദ്ദേഹം മടങ്ങുന്നത് എന്നും അഭ്യൂഹങ്ങളുണ്ട്.