തൃശൂർ: മദ്യം വാങ്ങാൻ പണം നൽകാത്തതിനെ തുടർന്ന് അമ്മയെ മകൻ തീകൊളുത്തി കൊല്ലാൻ ശ്രമിച്ചു.ഇന്നലെ രാത്രിയോടെ തൃശൂരിലാണ് ദാരുണമായ സംഭവമുണ്ടായത്.മകൻ മനോജിനെ(40) പോലീസ് കസ്റ്റഡിയിലെടുത്തു.
പുന്നയൂർക്കുളം ചമ്മന്നൂർ സ്വദേശിനി ശ്രീമതി(75)യെയാണ് മകൻ മനോജ് കൊല്ലാൻ ശ്രമിച്ചത്.ഇവരെ എറണാകുളത്തെ ആശുപത്രിയിൽ പ്രവേശിപ്പിച്ചു.
ശ്രീമതിയെ ആദ്യം കുന്നംകുളത്തെ സ്വകാര്യ ആശുപത്രിയിലും പിന്നീട് തൃശൂരിലെ ആശുപത്രിയിലും പ്രവേശിപ്പിച്ചെങ്കിലും സ്ഥിതി വഷളായതോടെയാണ് എറണാകുളത്തേക്ക് മാറ്റിയത്.
ഇന്നലെ രാത്രിയോടെ മദ്യം വാങ്ങാൻ മനോജ് അമ്മയോട് പണം ചോദിച്ചതാണ് പ്രശ്ങ്ങൾക്ക് തുടക്കം. മദ്യം വാങ്ങാൻ പണം തരില്ലെന്ന് പറഞ്ഞതോടെ ഇരുവരും തമ്മിൽ വാക്കു തർക്കമായി. പിന്നാലെ മനോജ് അമ്മയെ മണ്ണെണ്ണ ഒഴിച്ച് തീ കൊളുത്തുകയായിരുന്നു. സംഭവത്തിൽ വടക്കേക്കാട് സിഐ കേസെടുത്തു
Comments