50 കഴിഞ്ഞില്ലേ? അങ്ങയെ യുവനേതാവെന്ന് വിളിക്കുന്നത് എന്തുകൊണ്ടാണ്? പതിമൂന്നുകാരിയുടെ ചോദ്യത്തിന് രാഹുൽ നൽകിയ ഉത്തരം ഏറ്റെടുത്ത് ട്രോളന്മാർ

മലപ്പുറം: ഭാരത് ജോഡോ യാത്രയ്‌ക്കിടെ വയനാട് എംപിയെ ഉത്തരം മുട്ടിച്ച് ഏഴാം ക്ലാസുകാരി.പാലക്കാട് പര്യടനം നടത്തുന്നതിനിടയിലാണ് മുതിർന്ന കോൺഗ്രസ് നേതാവായ അന്തരിച്ച കെ ശങ്കരനാരായണന്റെ കൊച്ചുമകൾ പാർവ്വതി, രാഹുലിന്റെ സമീപമെത്തിയത്.

അമ്പത് വയസ് കഴിഞ്ഞില്ലേ, എന്നിട്ടും യുവ നേതാവെന്ന് വിശേഷിപ്പിക്കുന്നത് എന്തുകൊണ്ടാണ്? ‘ എന്നാണ് രാഹുലിന് പൂക്കൾ നൽകി ഏഴാംക്ലാസുകാരി പാർവതി ചോദിച്ചത്. ഉടൻതന്നെ രാഹുൽ ആ ചോദ്യത്തിന് മറുപടി നൽകുകയും ചെയ്തു.ഞാനങ്ങനെ യൂത്താണെന്ന് ആരോടും പറയാറില്ലല്ലോ. എന്റെ ജോലിയും ഇടപെടലുകളും കാണുന്നവർ അങ്ങനെ വിളിക്കുന്നതാകും. ഞാൻ ആരോടും എന്തെങ്കിലും വിളിക്കാൻ ആവശ്യപ്പെടാറില്ലെന്നായിരുന്നു മറുപടി.

പിന്നീട് പാർവ്വതിയ്‌ക്ക് ചോക്‌ളേറ്റും പൂക്കളുമൊക്കെ നൽകി യാത്രയയക്കുകയായിരുന്നു.പെൺകുട്ടി ചേദിച്ച ചോദ്യവും രാഹുലിന്റെ മറുപടിയുമാണ് ഇപ്പോൾ ട്രോളന്മാർ ഏറ്റെടുത്തിരിക്കുന്നത്.. കോൺഗ്രസ് വൃദ്ധന്മാരുടെ പാർട്ടിയാണെന്നും യുവാക്കൾക്ക് സ്ഥാനമില്ലെന്ന് വരെയെത്തി കമന്റുകളും ട്രോളുകളും. 50 കഴിഞ്ഞിട്ടും കാര്യഗൗരവത്തോടെ പാർട്ടിയെ നയിക്കാതെ ഓടി നടന്ന് പലഹാരം കഴിക്കുകയാണ് ‘പപ്പുമോൻ’ എന്നാണ് മറ്റൊരു കമന്റ്.