അബുദാബി : യുക്രെയ്ന് പത്ത് കോടി ഡോളറിന്റെ സഹായം അനുവദിച്ച് യു.എ.ഇ. യുദ്ധം സൃഷ്ടിച്ച കെടുതികൾ മറികടക്കാൻ ജീവകാരുണ്യ സഹായമായാണ് തുക പ്രഖ്യാപിച്ചത്. അഭയാർഥികളുടെ ക്ഷേമത്തിനും തുക വിനിയോഗിക്കും.
യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാനാണ് ഇതു സംബന്ധിച്ച നിർദ്ദേശം നൽകിയത്. യുദ്ധത്തിന്റെയും സംഘർഷത്തിന്റെയും ഘട്ടങ്ങളിൽ ഐക്യദാർഢ്യം അറിയിക്കുന്നതിന്റെ ഭാഗമായാണ് സഹായം അനുവദിച്ചതെന്ന് യു.എ.ഇ അന്താരാഷ്ട്ര സഹകരണ സഹമന്ത്രി റീം ബിൻത് ഇബ്രാഹീം അൽ ഹാശിമി പറഞ്ഞു. യുക്രൈൻ പ്രതിസന്ധിയുടെ മാനുഷിക ആഘാതം ലഘൂകരിക്കാൻ നടത്തിവരുന്ന നീക്കങ്ങളുടെ ഭാഗമായി നേരത്തെയും യു.എ.ഇ സഹായം അനുവദിച്ചിരുന്നു.
ഇതിനായി പോളണ്ടിലേക്കും മോൾഡോവയിലേക്കും സഹായവുമായി വിമാനങ്ങൾ അയക്കുകയുണ്ടായി. ഐക്യരാഷ്ട്ര സഭയുടെ ആഹ്വാനപ്രകാരമാണ് മാനുഷിക സഹായമെത്തിക്കുന്നതിന് നേരത്തെ തുടക്കം കുറിച്ചത്.
Comments