ബെംഗളൂരു: വയനാട് എംപി രാഹുൽ ഗാന്ധി ഉൾപ്പടെയുള്ള കോൺഗ്രസ് നേതാക്കൾക്കെതിരെ കേസ് നൽകി എംആർടി മ്യൂസിക് കമ്പനി. രാഹുൽ ഗാന്ധി.സുപ്രിയ ശ്രീനേറ്റ്, ജയ്റാം രമേഷ് എന്നിവർക്കെതിരെയാണ് ബെംഗളൂരു ആസ്ഥാനമായുള്ള മ്യൂസിക് കമ്പനി യശ്വന്ത്പൂർ പോലീസിൽ പരാതി നൽകിയത്. പകർപ്പവകാശ നിയമത്തിന്റെ ലംഘനമാണ് കോൺഗ്രസ് നടത്തിയതെന്ന് കമ്പനി ആരോപിക്കുന്നു.
കോൺഗ്രസ് പാർട്ടി തങ്ങളുടെ അനുവാദം വാങ്ങാതെ കെജിഎഫ്-2 വിലെ ഗാനം ഉപയോഗിച്ചെന്നാണ് പരാതി. തങ്ങൾ കോടികൾ മുടക്കി അവകാശം സ്വന്തമാക്കിയ കെജിഎഫ്- 2 ഹിന്ദി പതിപ്പിലെ ഗാനങ്ങൾ, രാഹുൽ ഗാന്ധിയുടെ ഭാരത് ജോഡോ യാത്രയുടെ മാർക്കറ്റിംഗ് വീഡിയോകൾ സൃഷ്ടിക്കാനായി ഉപയോഗിച്ചെന്ന് എംആർടി മ്യൂസികിന്റെ പരാതിയിൽ വ്യക്തമാക്കുന്നു.
തങ്ങളുടെ അനുവാദമില്ലാതെ ഗാനം ഉപയോഗിച്ചതെന്നും കോൺഗ്രസ് അത് ഔദ്യോഗിക സോഷ്യൽമീഡിയ അക്കൗണ്ടുകളിലൂടെ സംപ്രേഷണം ചെയ്തുവെന്നും കമ്പനി ആരോപിച്ചു. കോൺഗ്രസ് നടത്തിയ ഈ നിയമവിരുദ്ധ പ്രവർത്തനങ്ങൾ, നിയമവാഴ്ചയോടും സ്വകാര്യ വ്യക്തികളുടെയും സ്ഥാപനങ്ങളുടെയും അവകാശങ്ങളോടുള്ള സാധാരണക്കാരന്റെയും ബിസിനസ്സുകളോടുമുള്ള അവരുടെ നഗ്നമായ അവഗണനയെ പ്രതിഫലിപ്പിക്കുന്നുവെന്നു. നിയമം സംരക്ഷിക്കുന്നതിനും ജനങ്ങളുടെ അവകാശങ്ങൾ സംരക്ഷിക്കുന്നതിനുമായാണ് ഭാരത് ജോഡോ യാത്ര നടത്തുന്നതെന്ന് പാർട്ടി പറയുന്നു. എന്നിട്ടാണ് ഈ നിയമലംഘനമെന്നും കമ്പനി ചൂണ്ടിക്കാണിക്കുന്നു.
Comments