റിയാദ്: ലോകകപ്പിൽ അർജന്റീനയ്‌ക്കെതിരെ അട്ടിമറി വിജയം സ്വന്തമാക്കിയത് ആഘോഷമാക്കാനൊരുങ്ങി സൗദി അറേബ്യ. രാജ്യത്ത് നാളെ പൊതു അവധി ആയിരിക്കുമെന്ന് സൗദി ഭരണാധികാരി സൽമാൻ രാജാവ് അറിയിച്ചു. രാജ്യത്തെ എല്ലാ സ്വകാര്യ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും വ്യാഴാഴ്ച അവധിയായിരിക്കും.
നഗരത്തിലെ പ്രധാന തീം പാർക്കുകളും വിനോദ സഞ്ചാര കേന്ദ്രങ്ങളിലും മറ്റും പ്രവേശന ഫീസ് ഒഴിവാക്കുമെന്ന് റോയൽ കോട്ടിലെ ഉപദേശകനും സൗദി അറേബ്യയുടെ ജനറൽ എന്റർടെയ്ൻമെന്റ് അതോറിറ്റി തലവനുമായ അൽ-ഷൈഖ് ട്വിറ്ററിലൂടെ അറിയിച്ചു.
അർജന്റീനയെ 2-1 ന് പരാജയപ്പെടുത്തിയാണ് സൗദി അറേബ്യ ലോകകപ്പിൽ വരവറിയിച്ചത്. സാല അൽ ഷെഹ്,സാലൊം അൽ ഡവ്‌സാരി എന്നിവരാണ് സൗദിയ്‌ക്കായി ഗോൾ നേടിയത്. മത്സരത്തിന്റെ ആദ്യ പകുതിയിൽ അർജന്റീനയുടെ മൂന്ന് ഗോളുകൾ ഓഫ്‌സൈഡ് കെണിയിൽ കുരുക്കിയ സൗദി രണ്ടാം പകുതിയിൽ ലീഡ് സ്വന്തമാക്കിയിരുന്നു.
Comments