തിരുച്ചിറപ്പള്ളി വിമാനത്താവളത്തിൽ വൻ സ്വർണവേട്ട; എട്ട് ലക്ഷം രൂപ വിലമതിക്കുന്ന സ്വർണ ബിസ്‌ക്കറ്റ് പിടികൂടി

ചെന്നൈ: വിമാനത്താവളത്തിൽ വൻ സ്വർണവേട്ട. തിരുച്ചിറപ്പള്ളി വിമാനത്താവളത്തിൽ എട്ട് ലക്ഷം രൂപ വിലമതിക്കുന്ന രണ്ട് സ്വർണ ബിസ്‌ക്കറ്റുകൾ കസ്റ്റംസ് പിടികൂടി. ടിന്നിനുള്ളിൽ ഒളിപ്പിച്ച് കടത്താൻ ശ്രമിക്കുന്നതിനിടയിലാണ് പിടികൂടിയത്. 24 കാരറ്റിന്റെ 147.5 ഗ്രാം സ്വർണമാണ് കണ്ടെടുത്തത്.

കഴിഞ്ഞ ദിവസം സിംഗപ്പൂരിൽ നിന്ന് ട്രിച്ചി വിമാനത്താവളത്തലെത്തിയ യാത്രക്കാരനിൽ നിന്നാണ് സ്വർണം പിടികൂടിയത്. കഴിഞ്ഞ മാസം വിമാനത്താവളത്തിലെത്തിയ യാത്രക്കാരിയിൽ നിന്ന് 145 ഗ്രാം ഭാരമുള്ള സ്വർണ ബിസ്‌ക്കറ്റ് പിടികൂടിയിരുന്നു. 24 കാരറ്റിന്റെ സ്വർണമാണ് അന്ന് പിടികൂടിയത്. ക്വാലലംപൂരിൽ നിന്ന് തിരുച്ചിറപ്പള്ളി വിമാനത്താവളത്തിലെത്തിയ യാത്രക്കാരിയിൽ നിന്നാണ് സ്വർണം പിടികൂടിയത്.